Գերմանիայի ԱԳ նախարարը երկխոսության կոչ է արել Հունաստանին և Թուրքիային

Քաղաքական17:44, 25 Օգոստոս 2020

Գերմանիայի ԱԳ նախարարը երկխոսության կոչ է արել Հունաստանին և Թուրքիային

Գերմանիայի արտգործնախարար Հայկո Մաասը օգոստոսի 25-ին Աթենք և Անկարա կատարելիք այցից առաջ թուրք-հունական հարաբերություններում առաջացած լարվածության սրման վերաբերյալ հայտարարություններով է հանդես եկել:

Նշենք, որ վերջին օրերին հույն-թուրքական հարաբերությունները առավել լարվել են հունական տարածքային ջրերի մոտ թուրքական «Oruç Reis» նավի կողմից սեյսմիկ հետազոտություններ իրականացնելու պատճառով։

Մաասը Միջերկրական ծովի արևելյան հատվածում առկա խնդիրների լուծման համար երկխոսության կոչ է արել Թուրքիային և Հունաստանին:

«Թուրքիան և Հունաստանը ՆԱՏՕ-ի մեր դաշնակիցներն են: Արևելյան Միջերկրականում գազի պաշարների հետ կապված առաջացած վեճերը հնարավոր է լուծել միայն միջազգային իրավունքի հիման վրա և անկեղծ երկխոսության միջոցով»,-ասել է նա:

Նա շեշտել է, որ չպետք է փակվի Հունաստանի և Թուրքիայի միջև գտնվող «երկխոսության պատուհանը» և հավելել, որ պետք է այդ լարվածության թուլացմանն ուղղված քայլեր սկսել:

Հիշեցնենք, որ Գերմանիայի ԱԳ նախարարն Աթենքում արդեն հանդիպում է ունեցել Հունաստանի վարչապետի հետ: Այսօր Մաասի հաջորդ այցը սպասվում է Անկարայում Թուրքիայի ԱԳ նախարար Մևլութ Չավուշօղլուի հետ:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։