Թուրքիայում սերժանտի կողմից սեռական բռնության ենթարկված աղջիկը ինքնասպանություն է գործել

Հասարակական17:22, 18 Օգոստոս 2020

Թուրքիայում սերժանտի կողմից սեռական բռնության ենթարկված աղջիկը ինքնասպանություն է գործել

Ներկայիս Թուրքիայի հարավ-արևելյան Բաթման նահանգի Բեշիրի շրջանում թուրք սերժանտի կողմից սեռական բռնության ենթարկված 18-ամյա աղջիկը հուլիսի 16-ին ինքնասպանության փորձ էր կատարել: Սակայն երկարատև բուժումից հետո նա մահացել է:

Նշվում է, որ ինքնասպանություն գործելուց առաջ նա ընտանիքին նամակ էր թողել, որում պատմել էր եղելությունը: Ըստ այդմ` բերման էր ենթարկվել թուրք սերժանտ Մուսա Օրհանը: Սակայն վերջինս իր տված խոստովանական ցուցմունքում հերքել էր կատարվածը և ազատ արձակվել` երկրից չբացակայելու ստորագրությամբ:

Մահացածի հարազատները դիմել են Թուրքիայի «Մարդու իրավունքների միության» Բաթմանի մասնաճյուղ: Նշյալ կառույցն էլ դիմում է ներկայացրել Սիիրթի հանրապետական գլխավոր դատախազություն, պաշտպանության նախարարություն և մեջլիսի մարդու իրավունքների հարցերով հանձնաժողովին` պահանջելով տեղեկություն տրամադրել գործի քննության և դեպքի վերաբերյալ:

Թուրքիայի քրդամետ «Ժողովուրդների դեմոկրատական» կուսակցության Բաթմանից ընտրված պատգամավոր Ֆելեքնաս Ուջան սերժանտի ազատ արձակման հարցը տեղափոխել է խորհրդարանի օրակարգ և հարցադիմում ներկայացրել` ակնկալելով Թուրքիայի արդարադատության նախարար Աբդյուլհամիթ Գյուլի պատասխանը:

Աղբյուր` demokrathaber.org

Այս ենթաբաժնի վերջին նորությունները

10:34, 22 օգոս

Թուրքիան ՀՆԱ-ից ամենաքիչ ընտանեկան աջակցություն տրամադրող պետությունների թվում է

OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:

18:33, 21 օգոս

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն: