Քաղաքական17:57, 06 Օգոստոս 2020
Չավուշօղլուն Լիբիայում հանդիպել է Թուրքիայի աջակցությունը վայելող ԱՀԿ-ի ղեկավար Ֆայեզ Սարաջի հետ
Թուրքիայի արտգործնախարար Մևլութ Չավուշօղլուն Տրիպոլիում հանդիպել է Լիբիայի «ազգային համաձայնության կառավարության» ղեկավար Ֆայեզ Սարաջի հետ։ Հանդիպմանը ներկա է գտնվել նաև Մալթայի ԱԳ նախարար Էվարիստ Բարտոլոն։ Ըստ թուրքական աղբյուրի՝ հանդիպման ժամանակ քննարկվել են լիբիական հակամարտության վերջին զարգացումներն ու դրա քաղաքական լուծմանը հասնելու համար անհրաժեշտ քայլերը։
Եռակողմ հանդիպումից հետո հայտարարությամբ հանդես եկած Չավուշօղլուն տեղեկացրել է, որ թուրքական ու ռուսական կողմերը ԱԳ փոխնախարարների մակարդակով ունեցած հանդիպման ժամանակ պայմանավորվել են շարունակել քննարկումները լիբիական հակամարտության կարգավորման ուղղությամբ։ Ըստ Չավուշօղլուի՝ Եվրամիությունը պետք է իրական աջակցություն ցույց տա կարգավորման գործընթացին։
Չավուշօղլուն դատապարտել է նաև Լիբիային զենք մատակարարելու ամբարգոն վերահսկելու նպատակով Տրիպոլիի տարածքային ջրեր դիտորդական նավ ուղարկելու Գերմանիայի մտադրությունը։
«Եթե Գերմանիան կողմ դառնա, չեզոքությունը հօդս կցնդի։ Բեռլինի գագաթնաժողովն էլ կկորցնի իր լեգիտիմությունը»,- ասել է թուրք նախարարը։
Չավուշօղլուն պնդել է, որ լիբիական հակամարտության մյուս կողմին՝ «Լիբիայի ազգային բանակի» հրամանատար Խալիֆա Հաֆթարին էլ Եգիպտոսի ու Լիբիայի արևելյան կողմից են զենք ուղարկում և այդ ամենը չի դիտարկվում։
Հիշեցնենք, որ Թուրքիան բացահայտ կերպով միջամտում է Լիբիական հակամարտությանը՝ պաշտպանելով Ֆայեզ Սարաջի գլխավորած «Ազգային համաձայնության կառավարությանը»։ Թուրքիայի նախագահ Ռեջեփ Թայիփ Էրդողանը Սարաջի խնդրանքով Հաֆթերի զորքերի դեմ պայքարում ներգրավվելու համար Լիբիա է ուղարկել զենք-զինամթերք, ԱԹՍ-ներ, թուրք ռազմական հրահանգիչներ ու Սիրիայում իր կողմից ուղղորդվող ու վճարվող իսլամիստ ծայրահեղականներ։
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |