Թուրքիայում հայկական Սուրբ Գևորգ եկեղեցին պահեստի են վերածել

Հասարակական13:47, 13 Հուլիս 2020

Թուրքիայում հայկական Սուրբ Գևորգ եկեղեցին պահեստի են վերածել

Ներկայիս Թուրքիայի կենտրոնական Չորում նահանգում գտնվող հայկական Սուրբ Գևորգ եկեղեցին վտանգված է։

1800-ականների սկզբին Չորումի հայտնի հայ Քիրյոփի ընտանիքի կողմից կառուցված այդ եկեղեցին այժմ թուրք արհեստավորի կողմից որպես պահեստ է օգտագործվում։

Որոշ ժամանակ առաջ գույքի սեփականատերերը դիմել են Չորումի նահանգային մշակույթի և զբոսաշրջության վարչություն, որպեսզի այն միջոցներ տրամադրի պատմական այս կառույցի վրա ձևափոխումներ անելու համար, սակայն հետո հրաժարվել են։ Այս մասին լրատվամիջոցին հայտնել է այդ վարչության պաշտոնյաներից մեկը։ Վարչության աշխատակիցը պնդել է, որ որևէ ապացույց չկա, որ այս կառույցը եկեղեցի է, և միայն տեղի բնակչությունն է փաստում եկեղեցի լինելու մասին։

Պատմական այս կառույցի վերաբերյալ Չորումի բնակչության մեծ մասը տեղեկություն չունի, միայն մեծահասակներից քչերն են, որ վկայում են հայկական եկեղեցու գոյության մասին։

Նշվում է, որ չնայած 1915թ․ Քիրյոփի ընտանիքը նույնպես ցեղասպանության սպառնալիքի տակ էր, այնուամենայնիվ, նրանց ընտանիքից մի քանիսին հաջողվում է փրկվել։

Թուրքական աղբյուրի հաղորդմամբ՝ Թուրքիայի Հանրապետության հիմնադրումից հետո Քիրյոփի ընտանիքը «իր կամքով» հսկայածավալ ունեցվածը վաճառում է չորումցի Շամլը ընտանիքին և տեղափոխվում Ստամբուլ ու Անկարա։

Չորումում հայկական ընտանիքին է պատկանել ավելի քան 3 հազար հեկտար տարածք, գրադարան։ Նրանք զբաղվել են կաթնամթերքի արտադրությամբ։ Իրենց բարեգործություններով հայտնի ընտանիքը մեծ հեղինակություն է վայելել այդ շրջանում։

Աղբյուրը փոխանցում է, որ Քիրյոփի ընտանիքը Չորումում կառուցել է առաջին բազմաբնակարան շենքը, որն առ այսօր կանգուն է։

Եկեղեցին, որ պնդում են, թե ցեղասպանության տարիներին գնել է Շամլը ընտանիքը (հավանաբար որպես լքյալ գույք պետականացվել և վաճառվել է այդ ընտանիքին, կամ որպես հայկական լքյալ գույք տիրացել է նշյալ ընտանիքը-խմբ․) այժմ համարվում է իր ժառանգների գույքը:

Աղբյուր` gazeteduvar.com.tr

Այս ենթաբաժնի վերջին նորությունները

17:43, 07 օգոս

Պոլսո հայոց պատրիարքարանը հանգանակության կոչ է արել՝ ի աջակցության լիբանանահայության

Պատրիարքարանի հոգևորականները առաջին քայլն արդեն արել են այս կոչի շրջանակներում՝ նվիրաբերելով 7․000,00 ԱՄՆ դոլար

13:13, 07 օգոս

Թուրքիայի Ջիզրե քաղաքի առևտրի կենտրոնի աշխատակիցներին արգելվել է քրդերեն խոսել

Ըստ աղբյուրի` քրդերեն խոսելն արգելվել է նաև քաղաքի մի քանի սրճարաններում։

12:12, 07 օգոս

Վանի ափամերձ տարածքներում այսուհետ կհերթապահեն հեծյալ ժանդարմները

Ձիավորներն անմիջապես առաջացրել են տեղի բնակիչների և հանգստացողների հետաքրքրությունը, ովքեր սկսել են լուսանկարվել նրանց հետ։

Ուղիղ խոսք

Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում

Թուրքիայի նախագահ Ռեջեփ Թայիփ Էրդողան

ամենաշատ ընթերցված

Թուրքիայի մեջլիսի 9 պատգամավոր և աշխատակազմի 35 աշխատակից վարակված են կորոնավիրուսով

Վերջին 3 օրերին Թուրքիայում կրկին կորոնավիրուսի դեպքերի աստիճանական աճ է գրանցվում։

Հույն-եգիպտական պայմանագրից հետո Թուրքիան հայտարարել է Միջերկրականում զորավարժանքներ սկսելու մասին

Նախօրեին Հունաստանն ու Եգիպտոսը Միջերկրական ծովի արևելյան մասում իրավասության գոտիների սահմանազատման պայմանագիր են կնքել։

Հունաստանի վարչապետ. «Թուրքիայի հետ բանակցությունները եթե արդյունք չտան, կդիմենք Հաագայի դատարան»

Կիրիակոս Միցոտակիսը շեշտել է նաև, որ երկխոսությունը չի կարող ընթանալԹուրքիայի անդադար սպառնալիքների և ճնշման մթնոլորտում։

Թուրքիայում ոստիկանները ձերբակալել են կանանց բռնությունների դեմ բողոքի ակցիայի մասնակիցներին

Թուրքիայի կառավարության՝ Ստամբուլյան կոնվենցիայից դուրս գալու հնարավորության մասին հայտարարությունից հետո երկրում պարբերաբար կանանց մասնակցությամբ բողոքի ակցիաներ են տեղի ունենում։