Ըստ Թուրքիայի քաղաքացիների՝ իրենց երկրի համար վտանգ են ներկայացնում ԱՄՆ-ն, Իսրայելը, Իրանը, Հայաստանը

Հասարակական11:56, 18 Հունիս 2020

Ըստ Թուրքիայի քաղաքացիների՝ իրենց երկրի համար վտանգ են ներկայացնում ԱՄՆ-ն, Իսրայելը, Իրանը, Հայաստանը

Թուրքիայի «Kadir Has» համալսարանի աշխատաքնային խումբը սոցհետազոտություն է իրականացրել՝ պարզելու, թե երկրի արտաքին քաղաքական հարցերի վերաբերյալ ինչպիսի հայացքներ ունեն քաղաքացիները։ «Թուրքիայի արտաքին քաղաքականության հանրային ընկալումների ուսումնասիրություն» անվամբ սոցհարցումն իրականացվել է երկրի 26 նահանգում։ Հարցմանը մասնակցել է 18-ից բարձր տարիքային խումբը ներկայացնող 1000 քաղաքացի։

Հարցին, թե առաջիկա 10 տարում որը կլինի Թուրքիայի արտաքին քաղաքականության ամենակարևոր հարցերի եռյակը, սոցհարցման մասնակիցների 46.6 տոկոսը պատասխանել է «անդրսահմանային ահաբեկչությունը», 40 տոկոսի կարծիքով՝ հաջորդ կարևոր արտաքին քաղաքական խնդիրը կլինի գլոբալ ֆինանսատնտեսական ճգնաժամը։ Ըստ 30 տոկոսի էլ՝ մերձավորարևելյան զինված հակամարտությունները։

Մեծ մասի կարծիքով (70%) Թուրքայի համար ամենամեծ սպառնալիք ներկայացնող երկիրը ԱՄՆ-ն է, 67 տոկոսի համոզմամբ՝ Իսրայելն է, իսկ 65 տոկոսի կարծիոքվ՝ Սիրիան։ Ըստ Թուքիայի քաղաքացիների՝ իրենց երկրի համար սպառնալիք են նաև Իրանի Իսլամական Հանրապետությունը, Հունաստանը և Հայաստանը։

Բնութագրելով թուրք-ամերիկյան հարաբերությունների էությունը՝ Թուրքիայի քաղաքացիների 32 տոկոսն ԱՄՆ-ին բնորոշել է որպես անվստահելի երկիր։ 28 տոկոսի համոզմամբ՝ ԱՄՆ-ն ռազմավարական գործընկեր է, իսկ 15 տոկոսի կարծիքով էլ՝ գաղութատիրական երկիր։

ԱՄՆ-ի և Թուրքիայի հարաբերություններում առկա խնդիրներին անդրադառնալիս՝ քաղաքացիների 34 տոկոսը նշել է ԱՄՆ-ի կողմից ցուցաբերվող օգնությունը Սիրիայի քրդական «Ժողովրդավարական միություն» կուսակցությանը (PYD): 27 տոկոսը մատնանշել է ԱՄՆ-ի վարած քրդական քաղաքականությունը Մերձավոր Արևելքում, իսկ 24 տոկոսն էլ թուրք-ամերիկյան հարաբերությունների խնդիր է համարում ԱՄՆ-ի կոնգրեսում Հայոց ցեղասպանության հարցի արծարծումը։

Աղբյուր` yenicaggazetesi.com.tr

Այս ենթաբաժնի վերջին նորությունները

14:28, 07 օգոս

Կայծակ Ստամբուլի երկնքում (Լուսանկարներ)

Ուժեղ անձրևներից հետո մի շարք օգտատերեր սոցանցերում հրապարակել են արտասովոր կայծակի լուսանկարներ, որը երևացել է Ստամբուլի երկնքում։

13:11, 06 օգոս

Ստամբուլի ամբարտակներում ջրի մակարդակն օրեցօր նվազում է

Ընդհանուր առմամբ՝ Ստամբուլին ջուր մատակարարող հիմնական 6 ամբարտակների ջրային պաշարի մակարդակը գնահատվում է 50%-ից ցածր:

15:44, 05 օգոս

Թուրքիայում փորձել են հրկիզել Սուրբ Սոֆիա տաճարը (Տեսանյութ)

Մզկիթում այրվող գիրքն ու գորգը նկատել է մի կին և սկսել բղավել։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

ԱՄՆ կարող է 100% երկրորդային մաքսատուրք սահմանել Թուրքիայի նկատմամբ

ԱՄՆ նախագահ Դոնալդ Թրամփի վարչակազմը նախազգուշացրել է, որ եթե մինչև օգոստոսի 8-ն Ուկրաինայում հրադադար չհաստատվի Ռուսաստանի հետ առևտրի մեջ գտնվող երկրներից գանձվող հարկերը կմեծանան: