Թուրքիայի ԱԳՆ-ն արձագանքել է Պոնտոսի հույների ցեղասպանության մասին Հունաստանի վարչապետի հայտարարությանը

Ցեղասպանություն11:29, 20 Մայիս 2020

Թուրքիայի ԱԳՆ-ն արձագանքել է Պոնտոսի հույների ցեղասպանության մասին Հունաստանի վարչապետի հայտարարությանը

Մայիսի 19-ը Թուրքիայի կողմից իրականացված Պոնտոսի հույների ցեղասպանության հիշատակման օրն է։

1916-1922թթ. Օսմանյան պետությունն ու իր իրավահաջորդ Թուրքիայի Հանրապետությունը Հայոց ցեղասպանությանը զուգահեռ իրագործել են նաև կայսրության այլ ժողովուրդների տեղահանում և ցեղասպանություն։ Հույները նույնպես չեն խուսափել ցեղասպանության ծանր հարվածից։

Հունաստանի վարչապետ Կիրիակոս Միցոտակիսը Պոնտոսի հույների ցեղասպանության հիշատակման օրվա առթիվ հանդես էր եկել հայտարարությամբ` նշելով, որ մեկ դար առաջ Պոնտոսի հույները ենթարկվել են աննախադեպ դաժան ցեղասպանության՝ զրկվելով իրենց հայրենիքից։

Նա նաև շեշտել էր, որ մայր հայրենիքում ապաստան գտած պոնտոսցի հույների ժառանգներն այսօր էլ պահանջատեր են իրենց իրավունքների նկատմամբ։

Թուրքիայի արտգործնախարարությունն արձագանքել է Հունաստանի վարչապետի հայտարարությանը՝ ուրանալով և ժխտելով պոնտոսցի հույների նկատմամբ իրականացված վայրագ ցեղասպանության եղելությունը։

Արտգործնախարար Մևլութ Չավուշօղլուն դեռ մի բան էլ ինքն է խորհուրդ տվել Հունաստանին առերեսվել սեփական պատմության հետ և ընդունել «Անատոլիայում» թուրքերի հանդեպ իրականացրած քազմական ոճրագործությունները։

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։