Թուրքիայի արտգործնախարարությունն արձագանքել է Հունաստանի վարչապետի նամակին

Քաղաքական11:12, 07 Ապրիլ 2020

Թուրքիայի արտգործնախարարությունն արձագանքել է Հունաստանի վարչապետի նամակին

Հունաստանի վարչապետ Կիրիակոս Միցոտակիսը Թուրքիայի վերաբերյալ նամակ էր հղել Ֆրանսիայի նախագահ Էմանուել Մակրոնին և Գերմանիայի կանցլեր Անգելա Մերկելին։ Միցոտակիսը մասնավորապես առաջարկել էր վերանայել Թուրքիային տրամադրվող օգնությունը և դա տրամադրել ըստ փախստականների թվի։

Բացի այդ Հունաստանի վարչապետն ընդգծել էր, որ Թուրքիան փախստականներին օգտագործում է որպես ճնշման և շանտաժի միջոց Եվրամիության դեմ։

Թուրքիայի արտգործնախարարությունը հախուռն կերպով է արձագանքել հունական կողմի այս նամակին՝ այն անվանելով ծայրաստիճանի անբարոյական մտածողության արդյունք։

Մեղադրելով Հունաստանին փախստականների նկատմամբ ցուցաբերած անմարդկային վերաբերմունքի մեջ՝ թուրքական կողմը նշել է, որ իրենք իբր մարդասիրական մղումներով են աջակցում փախստականներին և իրենք շատ ավելին են ծախսում փախստականների վրա, քան ստանում են Եվրամիությունից։

Թուրքիայի արտաքին գործերի նախարարության խոսնակ Համի Աքսոյը առաջարկել է նաև, որ Հունաստանն ինքը կարող է ընդունել փախստականներին և այդ դեպքում Եվրամիությունը թող օգնություն ցուցաբերի Հունաստանին, իրենք էլ որպես հարևան երկիր նյութական աջակցություն կտրամադրեն։

Այս ենթաբաժնի վերջին նորությունները

19:35, 18 սեպ

Թուրքիան և Ճապոնիան համագործակցում են երկաթուղային տեխնոլոգիաների ոլորտում

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։