Հասարակական18:08, 17 Մարտ 2020
Թուրքական կայք. «Կորոնավիրուսի պատվաստանյութը ստեղծած ընկերության հիմնադիր Նուբար Աֆեյանի նախնիները Թուրքիայից են»
Թուրքական «Sozcu» թերթի կայքն անդրադարձել է նոր տիպի կորոնավիրուսի դեմ պատվաստանյութ ստեղծած ամերիկյան «Moderna Inc.» ընկերության հիմնադիր Նուբար Աֆեյանի կենսագրությանը:
Թուրքական լրատվամիջոցը գովերգության երանգով շեշտում է, որ ազգությամբ հայ Աֆեյանի ընտանիքի արմատները ձգվում են մինչև Օսմանյան կայսրություն:
«Աշխարհը պատուհասած կորոնովիրուսի դեմ ստեղծված պատվաստանյութը սկսել է փորձարկվել մարդկանց վրա: MRNA-1273 անվանումով պատվաստանյութը ստեղծած ամերիկյան «Moderna Inc.» ընկերության հիմնադիրներից Նուբար Աֆեյանն էլ Թուրքիայից սերող ընտանիքի թոռ է»,- գրում է կայքը՝ իր հրապարակումը վերնագրելով «Աշխարհի սպասած կորոնավիրուսի պատվաստանյութի թուրքական դետալը»:
Ապա հրապարակման մեջ ներկայացվում է Աֆեյանի ընտանիքի պատմությունը:
«Ազգությամբ հայ Նուբար Աֆեյանի ընտանիքն Օսմանյան կայսրության վերջին ժամանակահատվածում տեղի ունեցած 1915-ի դեպքերից հետո տեղափոխվում է Բեյրութ»,- գրում է կայքը՝ ակնհայտորեն խուսափելով Հայոց ցեղասպանություն բառակապակցության կիրառումից:
Նշվում է նաև, որ Աֆեյանի հայրը՝ Պատրիկը, ծնվել է Բուլղարիայում 1929թ.-ին։ Աֆեյանների ընտանիքը զբաղվել է գործարարությամբ՝ Թուրքիայից Բուլղարիա հավկիթների ներմուծմամբ։
Աֆեյանն Ամերիկայի կենսատեխնիկական և կենսաբանական գիտությունների ոլորտի առաջատար ձեռներեցներից է: Ըստ թուրքական աղբյուրի՝ նա վերջին 28 տարում հիմնել է ավելի քան 30 ընկերություն: Ենթադրվում է, որ դրանց ընդհանուր արժեքը 10 մլրդ ԱՄՆ դոլար է։
«ԱՄՆ-ի ճանաչված ուսհաստատություններից Մասաչուսեթսի տեխնիկական համալսարանի կենսաքիմիական ճարտարագիտության ամբիոնում 1987-ին դոկտորականը պաշտպանած Աֆեյանը ոչ միայն ԱՄՆ-ում, այլ ամբողջ աշխարհում կոնֆերանսներ է կազմակերպում ձեռներեցության, ինովացիայի, վենչուրային կապիտալի, կենսաքիմիայի, ճարտարագիտության, դեղագիտության, բժշկական տեխնոլոգիաների և վերականգնվող էներգիայի թեմաներով»,- եզրափակվում է հոդվածը։
Այս ենթաբաժնի վերջին նորությունները
OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Օրինակ՝ Ստամբուլ-Մուղլա ուղղության արժեքը ավտոբուսով կազմել է 1200 թուրքական լիրա (11.000 դրամ), իսկ ինքնաթիռով՝ 812 լիրա(7600 դրամ)։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |