ԱՄՆ պետդեպ. «Աջակցում ենք ռուս-թուրքական հրադադարին»

Քաղաքական12:58, 06 Մարտ 2020

ԱՄՆ պետդեպ. «Աջակցում ենք ռուս-թուրքական հրադադարին»

ԱՄՆ պետքարտուղարությունը (պետդեպ) հայտարարել է, որ աջակցում է Սիրիայի Իդլիբ նահանգում հրադադար հաստատելու շուրջ Թուրքիայի և Ռուսաստանի միջև ձեռք բերված համաձայնությանը:

Պետքարտուղարության հայտարարության մեջ մասնավորապես ասվում է. «Աջակցում ենք ռուս-թուրքական հրադադարին: Հույս ունենք, որ Իդլիբում կվերանա շատ վտանգավոր իրավիճակը և հումանիտար սարսափելի ճգնաժամը, որն ի հայտ է եկել Ասադի վարչակարգի, Ռուսաստանի, Իրանի և Հիզբալլահի ուժերի կողմից քաղաքացիական անձանց դեմ իրականացված հարձակումների հետևանքով»:

Նաև նշվում է, որ հետևելու են, թե արդյոք Սիրիայի կառավարությունը և վերջինիս աջակիցները հավատարիմ կմնան ձեռք բերված համաձայնությանը:

Նշենք, որ Սիրիայի Իդլիբ նահանգում փետրվարի 27-ին թուրքական զինուժի և սիրիական բանակի միջև տեղի ունեցած բախումների հետևանքով 33 թուրք զինվորական էր սպանվել: Այդ կապակցությամբ Թուրքիան հայտարարել էր «Գարնանային վահան» ռազմական գործողության մեկնարկի մասին:

Մարտի 5-ին Մոսկվայում Ռուսաստանի և Թուրքիայի նախագահները Իդլիբում հրադադար հաստատելու վերաբերյալ արձանագրություն են ստորագրել:

Աղբյուր` diken.com.tr