Քաղաքական12:18, 02 Մարտ 2020
ԵՄ-ն անհանգստացած է Թուրքիայի հետ սահմանին փախստականների կուտակումներից
Եվրոպական Միության արտաքին գործերի և անվտանգության քաղաքականության հարցերով բարձր ներկայացուցիչ Ջոզեֆ Բորելը ԵՄ երկրների արտգործնախարարներին կոչ է արել արտակարգ նիստ գումարել Իդլիբի թեմայով:
Բորելը հայտարարության մեջ նշել է, որ անհրաժեշտ է լրացուցիչ ջանքեր գործադրել Իդլիբում տեղի ունեցող զարգացումների հետևանքով հնարավոր հումանիտար ճգնաժամը կանխելու համար: ԵՄ պաշտոնյան կարևորել է Իդլիբում հրադադարի հաստատումը:
Հայտարարության մեջ Բորելը անդրադարձել է նաև Հունաստանի սահմանին կուտակվող սիրիացի փախստականների վիճակին:
«Մենք ուշադիր հետևում ենք մեր արտաքին սահմանների միգրացիոն վիճակին: Պետք է իրականացնել Թուրքիայի ու ԵՄ-ի միջև կնքված միգրացիոն համաձայնագրի պահանջները: Մենք աջակցում ենք Հունաստանին ու Բուլղարիային»,- ասել է Բորելը:
Հիշեցնենք, որ փետրվարի 27-ին Սիրիայի Իդլիբ նահանգում սիրիական բանակի ավիահարվածների հետևանքով 23 թուրք զինվորականի սպանությունից հետո Անկարան հայտարարեց, որ այլևս ի վիճակի չի պահել Սիրիայից Թուրքիա շարժվող փախստականներին:
Հայտարարությունից հետո Թուրքիան բացել է Եվրոպայի հետ (թուրք-հունական ու թուրք-բուլղարական) սահմանը՝ թույլ տալով, որ փախստականները կարողանան անցնել Եվրոպա:
Վերջին օրերին Թուրքիայի տարբեր շրջաններից դեպի Եվրոպա են շարժվում տասնյակ հազարավոր փախստականներ և կուտակվում հիմնականում թուրք-հունական սահմանին: Հունաստանը սահմանը փակել է ու ամեն կերպ փորձում է թույլ չտալ փախստականների մուտքը երկիր:
Փախստականների զգալի մասն էլ Էգեյան ծովով նավերով շարժվում են հունական կղզիներ: Ըստ Թուրքիայի ներքին գործերի նախար Սուլեյման Սոյլուի՝ այս պահին արդեն Թուրքիայի տարածքը լքել են ավելի քան 100.000 փախստական:
Այս ենթաբաժնի վերջին նորությունները
Էմինե Էրդողանը գրառման մեջ ընդգծել է երկու երկրի միջև բարեկամական հարաբերությունների կարևորությունը:
Բոցվանայի միջազգային հարաբերությունների նախարարը կմեկնի Թուրքիա և կքննարկվի Անկարայում դեսպանատուն բացելու հարցը։
Էրդողանը Վրաստանի նախագահի հետ համատեղ մամուլի ասուլիսի ընթացքում, ի թիվս այլ հարցերի, անդրադարձել է նաև մեսխեթցի թուրքերի հարցին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը:
Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Մուրհեֆ Էբու Քասրան դռնփակ հանդիպում կունենա Թուրքիայի պաշտպանության նախարար Յաշար Գյուլերի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |