ՀԺՇ-ն երախտիքի խոսք է հղել Սիրիային Հայոց ցեղասպանության բանաձևի ընդունման կապակցությամբ

Ցեղասպանություն11:18, 17 Փետրվար 2020

ՀԺՇ-ն երախտիքի խոսք է հղել Սիրիային Հայոց ցեղասպանության բանաձևի ընդունման կապակցությամբ

Հայկական Ժողովրդային Շարժման Կենտրոնական Խորհուրդը (վերակազմյալ), Սիրիայի խորհրդարանի կողմից Հայոց ցեղասպանության ճանաչման և դատապարտման բանաձևի ընդունման առիթով աշխարհի տարբեր երկրներում գործող իր բոլոր կառույցների անունից ողջույնի և երախտիքի խոսք է հղել Սիրիայի ժողովրդին և պատկան մարմիններին:

Հայտարարության մեջ նշվում է, որ թուրքական կողմը Սիրիայի ինքնիշխանության և հողային ամբողջականության դեմ դավեր է նյութում: Շեշտվում է, որ սիրիացիները փաստորեն 21-րդ դարի երկրորդ տասնամյակին, դժբախտաբար, վերապրում են Հայոց ցեղասպանության արհավիրքի և տառապանքների կրկնությունը: Հիշեցվում է, որ Հայոց ցեղասպանության տարիներին Սիրիայի ժողովուրդն աջակցել ու պատսպարել է հայ ազգի զավակներին՝ ապահովելով նրանց բոլոր անհրաժեշտ միջոցներով և հնարավորություններով, որպեսզի նրանք վերապրեն, գոյատևեն ու զարգանան:

«Արաբական աշխարհի եւ տարածաշրջանի բոլոր ժողովուրդների դեմ, հետեւողականորեն գործադրված թուրքական պետական սադրանքների բնույթն ու որակը փաստում են, որ եթե նրա դեմ չկազմվի համախմբող մի ճակատ, որ հանդես գա միասնական եւ գործնական կանխարգելիչ նախաձեռնություններով, այն անարգել պիտի շարունակի իր քանդիչ եւ ավերիչ գործունեությունը բոլոր ուղղություններով:

Պատմական արդարության վերահաստատման, անկորչելի իրավունքների վերականգնման եւ հայրենի հողերի ազատագրման համար պայքարը պիտի շարունակվի անկոտրում, հանուն՝ տարածաշրջանում արդարության եւ ազգային իրավունքների գերակայության վրա հիմնված խաղաղության եւ համերաշխության հաստատման»,- ասված է հայտարարության մեջ:

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։