Ռազմական18:14, 05 Փետրվար 2020
Թուրքիան նախատեսում է 2023-ին արտադրել սեփական կործանիչները
Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը պատրաստվում է 2023-ին արտադրել սեփական կործանիչները:
Ռազմարդյունաբերական օբյեկտներից մեկի բացման առիթով ելույթ ունեցած Էրդողանը մասնավորապես ասել է. «Նախագծումից մինչև արտադրություն ամբողջովին տեղական մեր կործանիչները Աստծո կամքով 2023-ին շահագործման կհանձնենք: Մեր ազգային կործանիչները արտադրելով՝ ամենալավ պատասխանը կտանք նրանց, ովքեր սպառնում են մեզ չտրամադրել F-35 կործանիչներ»:
Թուրքիայի նախագահը հայտարարել է նաև, որ վերջին 17 տարվա ընթացքում իրենց արած քայլերի շնորհիվ ԶՈւ սպառազինության մեջ տեղական արտադրանքի չափաբաժինը 20%-ից հասել է 70%-ի:
Բացի տեղական ռազմական ինքնաթիռների արտադրությունից՝ Էրդողանը խոսել է նաև առաջիկայում ամբողջովին տեղական փոքր հեռահարության «HİSAR-A» հակահրթիռային համակարգերի սերիական արտադրությունը արագացնելու ու դրանք Սիրիայի սահմանին տեղադրելու մասին:
«Այն իրավիճակը, որին մենք հանդիպեցինք Սիրիայում ու Լիբիայում, ցույց է տվել, որ անհրաժեշտ է ավելի շատ ուշադրություն դարձնել հակահրթիռային պաշտպանության համակարգերին: Այդ համատեքստում շատ եմ կարևորում «ASELSAN» և «ROKETSAN» ընկերությունների կողմից ամբողջովին տեղական միջոցներով արտադրված HİSAR-A ցածր հեռահարության հակաօդային հրթիռային համակարգերը: Այդ համակարգը անցկացված վերջնական փորձարկումների ժամանակ թիրախները խոցելիս 100 տոկոսանոց արդյունք է ցույց տվել: Աստծո կամքով այդ համակարգերը հնարավորության դեպքում անմիջապես կտեղադրենք Սիրիայի սահմանին՝ դրանով լրացրած լինելով շատ կարևոր այդ անհրաժեշտությունը: Համկարգերի ավելի հզորացման ու խոցման հեռահարության ավելացման աշխատանքներն էլ արագացնում ենք»,- ասել է Էրդողանը:
Նշենք, որ HİSAR-A համակարգերը վերջնական փորձարկումներն անցել են 2019-ի հոկտեմբերին, իսկ դրանց մատակարարումը Թուրքիայի ԶՈւ-ին նախատեսվում է 2021-ին:
Այս ենթաբաժնի վերջին նորությունները
Ըստ ամերկյան «Global Firepower» ընկերության՝ երկրների ռազմական ինքնաթիռների նավատորմի հզորությունը ցույց է տալիս նրա զսպող ազդեցությունը արտաքին աշխարհի դեմ։
Ընկերությունն իրականցնում էր արտահանում ամբողջ աշխարհում՝ մոտ 50 երկրի վաճառելով որսորդական հրացաններ։
Լեհաստանի պաշտպանության փոխնախարար Պավել Բեյդան հանդիպել է Վարշավայում Թուրքիայի դեսպան Ռաուֆ Ալփ Դենկթաշի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օգոստոսի 10-ին Թուրքիայի Բալըքեսիր նահանգում 6.1 բալ ուժգնությամբ երկրաշարժ է գրանցվել:
Թուրքիայի նախագահը նշել է, որ գոհացուցիչ է այն առաջընթացը, որն ապահովվել է Ադրբեջանի և ՀՀ-ի միջև խաղաղության ճանապարհին։
Թուրքիայի նախագահ Ռեջեփ Թայիփ Էրդողանի գլխավորությամբ օգոստոսի 11-ին կառավարության նիստ կգումարվի:
Կազմակերպությունը համոզմունք է հայտնել, որ այս պատմական զարգացումը տարածաշրջանին կբերի երկարատև խաղաղություն։
Ըստ հոդվածի հեղինակի՝ երկրների կողմից համաձայնագրի դադարեցման հիմնական պատճառն ավելի համապարփակ համաձայնագիր կնքելու ցանկությունն է:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |