Տնտեսական13:32, 20 Հունվար 2020
Ամերիկյան ներդրողը ցանկանում է ֆինանսավորել Ստամբուլի ջրանցքի կառուցումը
Թուրքիայում բուռն քննարկումների պատճառ դարձած Ստամբուլի ջրանցքի կառուցումը ֆինանսավորելու պատրաստակամություն է հայտնել ամերիկյան խոշորագույն ներդրումային ֆոնդերից մեկը՝ «Money Maker Management»-ը:
ԱՄՆ-ում մեծությամբ 7-րդ այդ ֆոնդն արդեն գրասենյակ է բացել Թուրքիայում: Հաղորդվում է, որ կազմակերպությունն ավելի շատ կենտրոնանում պետության աջակցությամբ իրականացվող հասարակական նախագծերի ֆինանսավորման վրա:
Ըստ թուրքական աղբյուրի՝ կազմակերպության փոխնախագահ Բասսամ Ռաշհիդին հայտարարել է, որ իրենք հետաքրքրվում են Թուրքիայի նախագահ Ռեջեփ Թայիփ Էրդողանի կողմից կրկին օրակարգ բերված Ստամբուլի ջրանցքի նախագծով ու այն ֆինանսավորելու հայտ են ներկայացրել:
Կազմակերպության փոխանախագահը նշել է նաև, որ իրենք պատրաստ են իրենց վրա վերցնել ոչ միայն ջրանցքի, այլև դրա հետ կապված բոլոր ենթակառուցվածքների, մասնավորապես նախագծում ներառված կամուրջների և թունելների շինարարության ֆինանսավորումը: Ռաշհիդին նշել է, որ իրենք գումարը շատ ցածր տոկոսադրույքներով են տրամադրում և վճարումները պահանջում են միայն նախագծի իրականացման ավարտից հետո:
Տեղեկություներ, սակայն, չի հաղորդվում, թե արդյոք բանակցություններ ընթանում են կողմերի միջև: Պատճառաբանությունն այն է, որ դա կոմերցիոն գաղտնիք է:
Հիշեցնենք, որ 2018թ. հունվարի 15-ին Թուրքիայի տրանսպորտի և նավագնացության նախարար Ահմեթ Արսլանը ներկայացրել էր Ստամբուլի ջրանցքի նոր երթուղին, որն անցնելու է Բոսֆորի նեղուցին զուգահեռ և դրա պես իրար է կապելու Սև և Մարմարա ծովերը:
Ստամբուլի ջրանցքի կառուցման անհրաժեշտությունը պաշտոնապես բացատրվում է Բոսֆորի ծանրաբեռնվածության թեթևացմամբ և վթարների գրանցման ռիսկի նվազեցմամբ:
Թուրքիայի հարևան երկրներում, սակայն, մտավախություններ կան, որ Ստամբուլի ջրանցքի կառուցումից հետո այդ երկիրը կարող է բարձրացնել Մոնտրոյի կոնվենցիայի վերանայման հարցը, որը կանոնակարգում է պատերազմական և խաղաղ ժամանակ առևտրանավերի ու ռազմանավերի անցումը սևծովյան նեղուցներով։
Այս ենթաբաժնի վերջին նորությունները
Թուրքիայից տարեկան արտահանվում է 25 մլն տոննա միրգ:
Թուրքիայի էերգետիկայի և բնական պաշարների նախարարը թուրք-հունական էներգետիկ ֆորումին հանդես է եկել տեսաուղերձով։
Թուրքիան 2019-ին առողջարանային զբոսաշրջությունից ստացել է 1.49 մլրդ դոլար, իսկ 2023-ին՝ 2.3 մլրդ դոլար։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |