Տարածաշրջան11:46, 27 Դեկտեմբեր 2019
Սարաջի ուժերը չեն բացառում, որ Թուրքիայից պաշտոնապես ռազմական օգնություն կարող են խնդրել
Թուրքիայում Լիբիայի արտակարգ և լիազոր դեսպան Աբդուրազզաք Մուհթար Ահմեդ Աբդուլքադերը հայտնել է, որ թուրքական զինուժը ներկայությունը Լիբիայում կնսպաստի երկրի կայունությանը և անվտանգությանը։
Դեսպանի խոսքերով, իրենց ուժերը հակաօդային պաշտպանության և փորձի փոխանակման հարցում աջակցության կարիք ունեն։ Նա համոզմունք է հատնել, որ այդ աջակցությունը կնպաստի «Ազգային հաշտության կառավարության» ուժերի գործողություններին (ընդդեմ՝ «Լիբիական ազգային բանակի», որը ղեկավարում է գեներալ Խալիֆ Հաֆթարը-խմբ)։
Խոսելով թուրք-լիբիական հարաբերությունների մասին՝ դեսպանն ընդգծել է, որ Լիբիան Թուրքիայի համար բարեկամական և եղբայրական երկիր է, որն աջակցում է Անկարային նաև Կիպրոսի հիմնախնդրում։
Լիբիայում թուրքական զինուժի հնարավոր տեղակայման մասին խոսել է նաև ՄԱԿ-ի եվ Եվրամիության աջակցությամբ կազմված՝ Ազգային հաշտության կառավարության ներքին գործերի նախարար Ֆեթհի Բաշաղան, նշելով, որ իրավիճակի սրման դեպքում իրենք պաշտոնապես Թուրքիայից ռազմական օգնություն կխնդրեն։
Նախօրեին Թուրքիայի նախագահ Ռեջեփ Թայիփ Էրդողանը, իշխող «Արդարություն և զարգացում» կուսակցության ընդլայնված նիստի ընթացքում ելույթ ունենալիս, հայտարարել է, որ մեջլիսի աշխատանքները սկսվելուն պես օրակարգ են բերելու Լիբիա ռազմական օգնություն ուղարկելու օրինագիծը:
Նշենք, որ այժմ Լիբիայում երկիշխանություն Է տիրում: Արևելքում նիստեր Է գումարում ժողովրդի կողմից ընտրված խորհրդարանը, իսկ արևմուտքում՝ Տրիպոլի մայրաքաղաքում, կառավարում Է ՄԱԿ-ի եւ Եվրամիության աջակցությամբ կազմված՝ Ազգային հաշտության կառավարությունը՝ Ֆայեզ Սարաջի գլխավորությամբ: Երկրի արևելյան մասի իշխանությունները գործում են Տրիպոլիից անկախ և համագործակցում են չճանաչված լիբիական ազգային բանակի հրամանատար գեներալ Խալիֆ Հաֆթարի բանակի հետ։
Այս ենթաբաժնի վերջին նորությունները
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |