ASİMED-ը 7 լեզվով հակահայկական քարոզչություն է իրականացնում

Ցեղասպանություն16:55, 17 Դեկտեմբեր 2019

ASİMED-ը 7 լեզվով հակահայկական քարոզչություն է իրականացնում

Թուրքիայում ևս մեկով ավելացել է հակահայկական քարոզչություն իրականացնող ու Հայոց ցեղասպանության ժխտմամբ զբաղվող կազմակերպությունների համացանցային ռեսուրսների ցանկը:

Թուրքական ASİMED («Ցեղասպանության անհիմն պնդումների դեմ պայքարի միություն») կոչվող միությունը հայտարարել է նոր կայքի գործարկման մասին: Ըստ հայտարարության՝ կայքը պետք է ամենօրյա ռեժիմով մշտադիտարկում իրականացնի միջազգային մամուլում: Պետք է հայտնաբերի «Հայոց ցեղասպանության մասին նյութեր և հակաթուրքական բնույթի հրապարակումներ», այնուհետև դրանք հավաքի իր տվյալների բազայում, Թուրքիայի պաշտոնական թեզերին համահունչ պատասխաններ պատրաստի ու հրապարակի 7 լեզվով:

Tarihigercekler.net անվանումով կայքը հրապարակումներ է ունենալու թուրքերեն, անգլերեն, գերմաներեն, ֆրանսերեն, ռուսերեն, արաբերեն ու պարսկերեն լեզուներով:

ԱՄՆ-ում, Գերմանիայում, Անգլիայում, Ֆրանսիայում, Ավստրիայում, Հոլանդիայում ու Բելգիայում գործող թուրքական լոբբիստական կազմակերպությունների հետ կապ հաստատած կայքը նպատակ ունի նաև պարարտ հող ստեղծել նշյալ լոբբիստական կառույցների հզորացման համար:

Բացահայտ ռասիստական գործունեություն ծավալող այս կազմակերպությունը իր նորաբաց կայքում հայերի նկատմամբ ատելություն սերմանող տեղեկություններ է տարածում:

Հակահայկական կազմակերպության ղեկավար Սավաշ Էղիլմեզը նշել է, որ կարճ ժամանակ առաջ գործարկված կայքն արդեն ամսական 30 հազարից ավել այցելու ունի, որոնց 70 տոկոսը արտերկրից են:

Աղբյուր` İHA

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։