Տնտեսական10:35, 02 Դեկտեմբեր 2019
Էրդողանի ելույթի պատճառով հունական պատվիրակությունը լքել է միջոցառման վայրը
Թուրքիայի Էդիրնե քաղաքում տեղի է ունեցել Տրանսանատոլիական գազատարի (TANAP) MS4 հատվածի (եվրոպական հատվածը-խմբ.) բացման արարողությունը: Միջոցառմանը ներկա գտնված հունական պատվիրակությունը սկանդալով հեռացել է բացման արարողությունից:
Հունաստանի էներգետիկայի և շրջակա միջավայրի հարցերով փոխնախարար Դիմիտրիս Իկոնոմուի գլխավորությամբ հունական պատվիրակությունը լքել է միջոցառման վայրը այն բանից հետո, երբ Թուրքիայի նախագահ Ռեջեփ Թայիփ Էրդողանը սկսել է սադրիչ հայտարարություններ անել։
Վերջինսա հայտարարել է, որ Թուրքիան չի դադարեցնի իր ուսումնասիրությունն ու հորատման աշխատանքները Կիպրոսի ջրերում՝ համարելով դա միջազգային իրավասությունների շրջանակում ընթացող գործողություն:
Ըստ Էրդողանի ձևակերպման՝ «հիմա ոչ մի գոռոց և ճիչ չի ստիպի Թուրքիային հետ քաշել այն նավերը, որոնք Միջերկրական ծովում զբաղվում են հորատման աշխատանքներով»:
Թուրքիայի նախագահի այդ ելույթը խստիվ դատապարտել է Հունաստանի արտաքին գործերի նախարարությունը: Թուրքիան պնդում է, որ Հյուսիսային Կիպրոսի ինքնահռչակ հանրապետությունը նույնպես իրավունքներ ունի կղզու հարակից ջրերի բնական պաշարների նկատմամբ։ Մինչդեռ Կիպրոսի Հանրապետությունը համոզված է, որ իրենք կղզում պաշտոնապես ճանաչված միակ պետությունն են, ուստի տարածաշրջանի օգտակար հանածոների նկատմամբ միայն իրենք իրավունքներ ունեն։
Հիշեցնենք, որ TANAP գազատարի առաջին փուլի գործարկման արարողությունը կայացել է 2018 թվականի հունիսի 12-ին։ Նույն տարվա հունիսի 30-ին սկսվել են TANAP-ով ադրբեջանական գազի կոմերցիոն մատակարարումները։ 2019 թվականի հունիսի 15-ին Շահ Դենիզի հանքի ադրբեջանական գազը TANAP-ով հասել է թուրք-հունական սահման։
Այս ենթաբաժնի վերջին նորությունները
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Նշվում է, որ այդ ապրանքները շուկա են մտել դեմպինգային գներով կամ պետական սուբսիդիաների միջոցով ու առաջացնում են անարդար մրցակցություն։
Տեղեկությունների համաձայն՝ Հունգարիայում բացված նոր գործարանը տեղափոխվելու է Թուրքիա և հանձնվելու շահագործման 2026-ին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |