Հրաժարական է տվել Նախաձեռնարկ մարմնի մամուլի խոսնակը

Հասարակական11:59, 20 Նոյեմբեր 2019

Հրաժարական է տվել Նախաձեռնարկ մարմնի մամուլի խոսնակը

Թուրքիայի ներքին գործերի նախարարությունը սեպտեմբերի 24-ին Պոլսի հայոց պատրիարքարան էր ուղարկել պատրիարքի ընտրության նոր կանոնադրությունը, որով սահմանափակվում էր արտասահմանաբնակ եպիսկոպոսների մասնակցությունը ընտրություններին:

85-րդ պատրիարքի ընտրությունը կազմակերպող Նախաձեռնարկ մարմինը որոշում էր կայացրել չբողոքարկել այս կանոնադրությունը:

Կանոնադրությամբ պարտադրվող սահմանափակումը որոշակի դժգոհություն էր առաջացրել պոլսահայ համայնքում, ինչպես նաև Նախաձեռնարկ մարմնի կազմում, ինչի հետևանքով իրավաբան Սեդրակ Դավութհանը, Կարպիս Դուրասլանը, Գևորգ Էրքանը, Ղուկաս Արզումանը, Նազարեթ Օզսահակյանը, Մինաս Արսլանը և Սարգիս Չավուշյանը հրաժարական էին տվել:

Նոյեմբերի 19-ին այդ ցանկը համալրել է Նախաձեռնարկ մարմնի մամուլի խոսնակ, իրավաբան Սարո Բենգլյանը: Վերջինս հրաժարական է տվել և դուրս եկել Նախաձեռնարկ մարմնի կազմից:

Բենգլյանը հայտնել է, որ իր հրաժարականի շուրջ համակողմանի հայտարարությամբ հանդես չի գալու և հավելել, որ ստանձնած պարտավորությունները մինչև օրս կատարել է և այժմ եկել է հրաժարականի ժամանակը:

Ներքին գործերի նախարարության կողմից պատրիարքարան ուղարկված կանոնադրությունից հետո թվով 8 անդամ է դուրս եկել Նախաձեռնարկ մարմնի կազմից:

Աղբյուր` Agos.com.tr

Այս ենթաբաժնի վերջին նորությունները

10:34, 22 օգոս

Թուրքիան ՀՆԱ-ից ամենաքիչ ընտանեկան աջակցություն տրամադրող պետությունների թվում է

OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:

18:33, 21 օգոս

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն: