Թուրք վերլուծաբան. «Բանաձևերը կխորացնեն Վաշինգտոնի ու Անկարայի միջև եղած անդունդը»

Ցեղասպանություն18:05, 30 Հոկտեմբեր 2019

Թուրք վերլուծաբան. «Բանաձևերը կխորացնեն Վաշինգտոնի ու Անկարայի միջև եղած անդունդը»

Թուրք հայտնի լրագրող, գրող և վերլուծաբան Մուրաթ Յեթքինն անդրադարձել է ԱՄՆ-ի Կոնգրեսի Ներկայացուցիչների պալատում ընդունված Հայոց ցեղասպանությունը ճանաչող բանաձևին ու Թուրքիայի դեմ պատժամիջոցներ նախատեսող օրինագծին: Նրա խոսքով՝ դրանք կարող են խորացնել Անկարայի ու Վաշինգտոնի միջև եղած անդունդը:

Ըստ վերլուծաբանի՝ այդ որոշումների ընդունումը հետաքրքիր պատկեր է ցուցադրու: Եթե դեմոկրատների մեծամասնությամբ Ներկայացուցիչների պալատը Սիրիայում Թուրքիայի գործողություններին հակազդելու նպատակով պատժամիջոցներ սահմաներ ու դժվար կացության մեջ դներ Էրդողանին, այդպիսով նաև Թրամփին, ապա ամեն ինչ պարզ կլիներ:

«Բայց տեսնում ենք, որ հայկական բանաձևը, որը սովոր էինք տեսնել ապրիլ ամսին, հանկարծակի օրակարգ է բերվում Թուրքիային ցավեցնելու համար»,- գրում է Յեթքինը՝ ներկայացնելով 3 հիմնական պատճառ.

1. Սիրիայում Թուրքիայի ռազմագործողության ուղղված լինելը ԱՄՆ-ի դաշնակից YPG-ի (քրդական «Ժողովրդի պաշտպանության ուժեր») դեմ:

2. Մյուս կողմից էլ հակառակ ԱՄՆ-ի՝ Ռուսաստանի հետ համագործակցող Էրդողանն արդեն նրանց աչքում չափավոր իսլամիստ չի համարվում:

3. Այս եղանակով ցույց տալ, որ Թրամփի նկատմամբ դժգոհությունն աճում է, նրան պաշտոնանկ անելու համար Թուրքիայի թեմայով հարձակում գործել:

Յեթքինի բնորոշմամբ՝ այս պահին ԱՄՆ-ի ներքաղաքական կյանքում այնպիսի իրավիճակ է, որ իշխանության պայքարի ու Թուրքիայի հետ հակասությունների պատճառով կարող է լուրջ վտանգի տակ հայտնվել 70 տարվա դաշինքը:

Աղբյուր` Т24

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։