Թուրք նախարարների արձագանքը՝ ԱՄՆ-ում ընդունված Հայոց ցեղասպանության բանաձևին

Ցեղասպանություն15:31, 30 Հոկտեմբեր 2019

Թուրք նախարարների արձագանքը՝ ԱՄՆ-ում ընդունված Հայոց ցեղասպանության բանաձևին

Միացյալ Նահանգների Կոնգրեսի Ներկայացուցիչների պալատում նախօրեին քվեարկված և 405 կողմ ձայների առավելությամբ ընդունված Հայոց ցեղասպանության ճանաչման բանաձևին հապճեպ արձագանքում են Թուրքիայի իշխանական վերնախավի գրեթե բոլոր առանցքային դեմքերը:

Թուրքիայի արտգործնախարար Մևլութ Չավուշօղլուն արձագանքել է հետևյալ կերպ. «Այդ բանաձևը մեզ համար առ ոչինչ է: Իրենց խաղերը խափանել ենք, դրա համար էլ վրեժխնդիր են լինում: Կանչեցինք ԱՄՆ դեսպանին և հայտնեցինք մեր մտահոգությունը»:

Թուրքիայի պաշտպանության նախարար, բանակի գեներալ Հուլուսի Աքարը խորհրդարանում իշխող կուսակցության խմբակցության ժողովում հայտարարել է. «Հավատում եմ, որ ազատ ու անկախ մտածելու ունակ ամերիկացիները այդ բանաձևից հետ կպահեն Կոնգրեսին և կկանխեն վերջինիս սխալ ճանապարհով գնալը»:

Թուրքիայի արդարադատության նախարար Աբդուլհամիթ Գյուլը նշել է, որ Ներկայացուցիչների պալատի ընդունած որոշումն իրենց համար որևէ վավերականություն չունի:

«Ցեղասպանության մասին խոսողները թող շրջվեն ու նայեն սեփական պատմությանը: Թող հայելու մեջ նայեն: Իսկ մեր պատմության մեջ ցեղասպանություն չի եղել»,- ասել է նա:

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։