Էրդողանը և Պուտինը կհանդիպեն Սոչիում

Քաղաքական10:43, 22 Հոկտեմբեր 2019

Էրդողանը և Պուտինը կհանդիպեն Սոչիում

Թուրք-ամերիկյան փոխհամաձայնության արդյունքում Սիրիայում կրակի դադարեցման դադարի ժամկետի (120 ժամ), ավարտին կարևոր հանդիպում է տեղի ունենալու Ռուսաստանի Դաշնության նախագահ Վլադիմիր Պուտինի հետ և Թուրքիայի նախագահ Ռեջեփ Թայիփ Էրդողանի միջև:

Ըստ թուրքական աղբյուրների հաղորդած տեղեկությունների՝ հանդիպման առանցքային թեման լինելու է Թուրքիայի իրականացրած «խաղաղության ակունք» ռազմագործողություններն ու «Սիրիայի քրդական «Ժողովրդական ինքնապաշտպանական ջոկատների» (YPG) կողմից Սիրիայի իշխանությունների վերահսկողությանը հանձնված տարածքների խնդիրը։

Թուրքիայի նախագահը հայտարարել է, որ Պուտինի հետ ստեղծված իրավիճակը քննարկելուց հետո կատարելու են անհրաժեշտ քայլերը։

Վերոնշյալ տարածքներից ամերիկյան զինված ուժերի դուրս գալուց հետո այնտեղ հաստատվել է Սիրիայի կենտրոնական իշխանության վերահսկողությունը, և «անվտանգության գոտի» ստեղծել կամեցող Թուրքիան ստիպված է համաձայնության գալ Սիրիայի իշխանությունների և նրանց սատարող Ռուսաստանի հետ։

Ռուսական կողմը հաստատել է, որ երկու նախագահների հանդիպման գլխավոր թեման լինելու է Թուրքիայի կողմից իրականացվող «խաղաղության ակունք» ռազմագործողությունը։

Հանդիպմանն ընդառաջ երկու կողմերն էլ հանդես էին եկել հայտարարություններով։ Թուրքական կողմը նշել էր, որ գլխավորապես Սիրիայի խնդրի համատեքստում քննարկվելու են տարածաշրջանային և միջազգային հարցեր։

Ռուսաստանի նախագահ Վլադիմիր Պուտինի խորհրդական Յուրի Ուշակովն էլ ընդգծել էր Սիրիայի տարածքային ամբողջականության պահպանման կարևորությունը, տարածաշրջանում հարատև կայունության անհրաժեշտությունը։

Ռուսաստանի արտգործնախարար Սերգեյ Լավրովն էլ հիշեցրել է Թուրքիայի և Սիրիայի միջև 1998 թվականին կնքված Ադանայի համաձայնագիրը՝ ընդգծելով երկու երկրների միջև երկխոսության անհրաժեշտությունը։ Ըստ Լավրովի՝ երկխոսությունը պետք է հիմնվի հենց Ադանայի համաձայնագրի վրա։

Այս ենթաբաժնի վերջին նորությունները

11:48, 01 հուլ

Թուրքիայի և Մեծ Բրիտանիայի միջև առևտրաշրջանառության ծավալը հասնում է 30 մլրդ դոլարի

Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։

17:23, 30 հուն

Թուրքիայի նախագահը մեկնելու է Լեռնային Ղարաբաղ

Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։

13:02, 30 հուն

Մեծ Բրիտանիայի արտգործնախարարը կմեկնի Թուրքիա

Աղբյուրն ընդգծում է, որ Մեծ Բրիտանիայում բնակվում է մոտ կես միլիոն թուրք։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայի մի շարք նահանգներում վերջին 48 ժամում բռնկվել է 150 անտառային հրդեհ (Տեսանյութ)

Անտառային հրդեհները դեռևս չի հաջողվում վերասհկողության տակ առնել, նույնսիկ չվերթներ են հետաձգվել։

Թուրքիայում 5 օրում բռնկվել է 342 անտառային հրդեհ

Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։