Տարածաշրջան12:10, 09 Սեպտեմբեր 2019
Էրդողան. «Եթե մինչև սեպտեմբերի վերջ անվտանգության գոտին չձևավորվի, մենք մեր ճանապարհով կգնանք»
Թուրքիայի նախագահ Ռեջեփ Թայիփ Էրդողանը Սիրիայի հյուսիսում՝ Եփրատից արևելք անվտանգության գոտու ձևավորման հարցում ԱՄՆ-ի համար վերջնաժամկետ է սահմանել մինչև սեպտեմբերի վերջը: Նշենք, որ Թուրքիան և ԱՄՆ-ն անվտանգության գոտու ստեղծման աշխատանքները համակարգող համատեղ կենտրոն են ստեղծել:
Ըստ Էրդողանի, եթե մինչև սեպտեմբերի վերջ Եփրատի արևելքում թուրք զինվորների մասնակցությամբ գործնականում անվտանգության գոտի չձևավորվի, ապա Թուրքիային այլ տարբերակ չի մնա, քան սեփական ճանապարհով գնալը: Էրդողանն ընդգծել է, որ անվտանգության գոտու ձևավորման հարցը 3-5 անգամ ուղղաթիռների թռիչքներով, կամ 5-10 զրահամեքենայով պարեկություն իրականացնելը չէ, այլ տարածքում գտնվող բոլոր բնակավայրերը, ամբողջ տարածքը պետք է անվտանգ դարձնել:
Էրդողանը տեղեկացրել է, որ Սիրիայի հյուսիսում ԱՄՆ-ի հետ համատեղ աշխատանքներն անվտանգության գոտու ստեղծման շուրջ շարունակվում են: Թուրք-ամերիկյան բանակցությունների ընթացքում ամեն անգամ համոզվում են, որ անվտանգության գոտու մասին Թուրքիայի և ԱՄՆ-ի պատկերացումները տարբեր են:
«Մինչ մենք նպատակ ենք հետապնդում տարածաշրջանում տեղավորված ահաբեկչական կազմակերպությունն ամբողջապես ոչնչացնելու, նրանք (ԱՄՆ) հաշվարկում են, թե ինչպես ահաբեկչական կազմակերպության միջոցով մեզ կառավարեն: Ստացվում է, որ մեր դաշնակիցը նպատակ ունի ոչ թե մեզ համար, այլ ահաբեկչական կազմակերպության համար է անվտանգության գոտի ստեղծել», -նշել է Էրդողանը:
Անդրադառնալով անվտանգության գոտու թուրքական ընկալմանը՝ Թուրքիայի նախագահը նշել է, որ տարածքը պետք է մաքրվի «PKK-ի զինյալներից և նրա թևը համարվող ուժերից» (Էրդողանը նկատի ունի Սիրիայի քրդական ուժերին) և այդ տարածքում պետք է վերաբնակեցվեն Եվրոպա և այլ վայրեր գաղթած սիրիացի փախստականները:
Էրդողանը փախստականների խնդրի մասին խոսելիս անուղղակիորեն սպառնացել է նաև Եվրոպային. «Եթե այս պայքարում մեզ անհրաժեշտ աջակցությունը չցուցաբերվի, ապա Թուրքիայում գտնվող 3 մլն 650 հազ սիրիացիների, ինչպես նաև Իդլիբից 2 մլն մարդու հնարավոր ներհոսքը չենք կարողանալու կասեցնել»:
Այս ենթաբաժնի վերջին նորությունները
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Հատկանշական է, որ աշխարհահռչակ պոլսահայ լուսանկարիչ-լրագրողի արխիվներից Գումգափուի հետ կապված նկարներն առաջին անգամ են հանվում ցուցադրության:
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Նրանց դեմ դատական գործ էր հարուցվել Թուրքիայի տարածքում անկախ կառավարություն ստեղծելու մասին հայտարարություններ անելու համար։
Նշվում է, որ Թուրքիայի կողմից ահաբեկչական կազմակերպություն համարվող «Քուրդիստանի բանվորական կուսակցության (PKK) դեմ ամռանը գործողություն սկսելուց առաջ սահմանին կտեղակայվեն S-400-ները։
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |