Միջազգային10:21, 28 Օգոստոս 2019
Էրդողանը ցանկանում է Թուրքիայի և Ռուսաստանի միջև առևտրաշրջանառության ծավալը հասցնել 100 մլրդ դոլարի
Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հրավերով գտնվում է Մոսկվայում։ Ժուկովսկու օդանավակայանում Էրդողանին դիմավորել են Ռուսաստանի արտգործնախարարության ներկայացուցիչները, Մոսկվայում Թուրքիայի դեսպան Մեհմեթ Սամսարը և այլ պաշտոնատար անձինք։
Էրդողանը և Պուտինը մասնակցել են Մոսկվայում կազմակերպված «MAKS-2019» միջազգային ավիատիեզերական տոնավաճառի բացման արարողությանը։ Էրդողանը շնորհակալություն է հայտնել հրավերի համար և հիշեցրել, որ Թուրքիայում էլ այս տարի անցկացվել է 14-րդ «IDEF» միջազգային ռազմարդյունաբերական ցուցահանդեսը։
Էրդողանը նշել է, որ 2018թ․ Թուրքիան շուրջ 2․5 մլրդ դոլար ընդհանուր արժողությամբ ռազմարդյունաբերական արտադրանք է արտահանել։ Նրա խոսքով՝ ավիացիոն արդյունաբերության ոլորտում երկիրը մեծ քայլերով առաջ է ընթանում, իսկ թուրքական արտադրության T-129 ռազմական ուղղաթիռը հետաքրքրել է մի շարք երկրների։
Անդրադառնալով ռուս-թուրքական հարաբերություններին՝ Էրդողանը շեշտել է, որ Թուրքիա այցելող ռուս զբոսաշրջիկների թիվը հետզհետե մեծանում է։ Այս տարի ակնկալվում է, որ Թուրքիան նախընտրող ռուս զբոսաշրջիկների թիվը կհասնի 6 միլիոնի։ Երկկողմ առևտրաշրջանառությունը այս պահին կազմում է 25 մլրդ դոլար։ Այս ոլորտում, ըստ Էրդողանի, նպատակը 100 մլրդ դոլարի մակարդակին հասնելն է։
Էրդողանն նաև անդրադարձել է սեպտեմբերի 17-ից 22-ն անցկացվելիք ռազմարդյունաբերական և տեխնոլոգիական «Teknofest Festivali»-ին՝ Պուտինին հրավիրելով մասնակցել այդ միջոցառմանը։
Այս ենթաբաժնի վերջին նորությունները
Թուրքիայի դեմ պատժամիջոցները պայմանավորված են S-400 ՀՕՊ համակարգերի շուրջ Թուրքիայի և Ռուսաստանի միջև կայացած գործարքով, ինչպես նաև Սիրիայի հարցով։
Հանձնաժողովի կողմից վավերացվելուց հետո դեռևս հայտնի չէ, թե Թուրքիայի դեմ պատժամիջոցների նախագիծը երբ քվեարկության կդրվի Սենատում։
Ֆրանսիայի նախագահը բավականին կոշտ է արտահայտվել նաև ՆԱՏՕ-ի ներկա վիճակի մասին՝ ընդգծելով, որ ՆԱՏՕ-ն «ուղեղային մահ» է ապրում և սթափվելու կարիք ունի:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, բայց իմ ձեռքում դրանք չպետք է լինեն. ես դա չեմ ընդունում
ամենաշատ ընթերցված
Թուրքիայի խորհրդարանի հայ պատգամավորը Twitter-ում կատարած գրառմամբ անդրադարձել է ԱՄՆ-ի Սենատի կողմից Հայոց ցեղասպանության ճանաչմանը։
«Եթե անգամ Թրամփը չօգտագործի ցեղասպանություն բառը, արդեն կարող ենք ասել, որ ԱՄՆ-ն ճանաչել է Հայոց ցեղասպանությունը»։
Թուրքիայի խորհրդարանում (մեջլիս) կոշտ արձագանք է եղել ԱՄՆ-ի Սենատի կողմից Հայոց ցեղասպանության բանաձևի ընդունմանը։
Ահմեթ Դավութօղլուն այսօր ներկայացրել է իր կողմից հիմնված նոր կուսակցությունը։
Հայոց ցեղասպանության բանաձևի ընդունմանը արձագանքել են Թուրքիայի փոխնախագահը, պաշտպանության նախարարը, արդարադատության նախարարը, խորհրդարանի նախագահը:
Օրացույց
Հարցումներ
Այս թեկնածուներից ու՞մ կցանկանայիք տեսնել Պոլսո հայոց պատրիարքի աթոռին
արտարժույթ
| EUR | TRY | USD |
| 549.84 | 90.05 | 485.12 |