10:58, 28 Օգոստոս 2019
Պուտինը հայտնել է, որ Էրդողանը մեծապես հետաքրքրված է ռուսական СУ-35 և СУ-57 ռազմական ինքնաթիռներով
Նախօրեին Մոսկվայում կայացել է Թուրքիայի և Ռուսաստանի նախագահների հանդիպումը, որից հետո Ռեջեփ Թայիփ Էրդողանը և Վլադիմիր Պուտինը համատեղ մամուլի ասուլիս են տվել։
Ասուլիսի ժամանակ լրագրողները տարբեր ոլորտներին առնչվող հարցեր են ուղղել երկու նախագահներին։
Պուտինը և Էրդողանը մինչ առանձին հանդիպում ունենալը, մասնակցել էին միջազգային ավիատիեզերական ցուցահանդես-տոնավաճառին, որը տեղի է ունեցել Մոսկվայի Ժուկովսկի օդանավակայանում։ Միջոցառման ընթացքում Պուտինը Էրդողանին ներկայացրել է ռուսական մի շարք ավիացիոն տադրանքներ, այդ թվում 5-րդ սերնդի SU-57 մարտական օդանավեր։ Էրդողանը նաև ծանոթացել էր ռուսական քաղավիացիայի արտադրանքների հետ։
Ասուլիսի ժամանակ Էրդողանը, պատասխանելով ռուս-թուրքական ռազմական համագործակցության մասին հարցին ասել է. «Ցուցահանդեսը մեզ համար էլ շատ կարևոր էր։ S-400 ՀՕՊ համակարգերի հետ կապված շատ բամբասանքներ եղան։ Մենք ուշադրություն չդարձրեցինք դրանց վրա։ Այսօր սկսվեց S-400-ների մատակարարման երկրորդ փուլը։ Դրանք կշարունակվեն մինչև սեպտեմբերի վերջ։ Մեր աշխատակիցների վերապատրաստումները նույնպես շարունակվում են։ Այս հարցում մեր ունեցած համերաշխությունը ցանկանում ենք տարածել ռազմարդյունաբերության այլ հարթակներում, այդ թվում ռազմական ինքնաթիռների, հրթիռների հարցում։ Ամենակարևորն այն է, որ համերաշխության մթնոլորտը պահպանվի»:
Էրդողանը նաև կարևորել է, որ ռուս զբոսաշրջիկները շարունակում են այցելել Թուրքիա, ինչը շարունակում է ամրապնդել ռուս-թուրքական հարաբերությունները։
Իսկ Պուտինը, խոսելով ռուս-թուրքական ռազմական համագործակցությունից, նշել է, որ ժամանակը չափազանց քիչ էր, որպեսզի թուրքական կողմին ներկայացնեին ռուսական ավիացիայի հաջողությունները և ձեռքբերումները։
Ըստ նրա՝ Թուրքիան և Ռուսաստանը «կարող են համատեղ աշխատանքներ իրականացնել СУ-35 ռազմական ինքնաթիռների հարցում և կարող են համագործակցել Су-57-երի հարցում»։
Ընդ որում Պուտինը նշել է,որ թուրքական կողմին հետաքրքրել են ոչ միայն ռուսական ռազմական, այլ նաև քաղավիացիոն արտադրանքները: Էրդողանին մասնավորապես հետաքրքրել են Ми-38 քաղաքացիական ուղղաթիռները և ուղևորատար ինքնաթիռներից МС-21-ը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
«Պաշտոնական Անկարան ձգտում է ակնհայտորեն լճացած գործընթացի միջոցով հնարավորինս նվազեցնել Մեծ Եղեռնի ազդեցության քաղաքական բաղադրիչը»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |