Քաղաքական10:56, 21 Օգոստոս 2019
Եվրախորհուրդը դատապարտել է քուրդ քաղաքապետների պաշտոնանկության որոշումը
Եվրոպայի խորհրդի (ԵԽ) տեղական և տարածքային իշխանությունների կոնգրեսը դատապարտել է Թուրքիայի Վան, Դիարբեքիր և Մարդին քաղաքների քաղաքապետների պաշտոնանկության և հոգաբարձուների նշանակման որոշումը։
Կոնգրեսի նախագահ Անդերս Կնապը թեմայի վերաբերյալ գրավոր հայտարարություն է տարածել՝ խոր մտահոգություն արտահայտելով 3 քաղաքապետների պաշտոնանկման կապակցությամբ։ Նա հիշեցրել է, որ այդ պաշտոնյաներն ընտրվել էին ժողովրդի ազատ կամքով և դիտորդների թվում էր նաև Կոնգրեսը։
Եվրոպայի խորհրդի տեղական և տարածքային իշխանությունների կոնգրեսը հարցը ներառել է սեպտեմբերի 11-ին Ստրասբուրգում կայանալիք նիստի օրակարգում։ Կնապը տեղեկացրել է, որ Կոնգրեսը հարցը կքննարկի նաև Թուրքիայի իշխանությունների հետ՝ սեպտեմբերի 1-4 Թուրքիա կատարվելիք այցի շրջանակներում։ Այցի օրակարգում կլինի Տեղական ինքնակառավարման Եվրոպական խարտիայի կիրառման հարցը։
Կնապի հայտարարության մեջ ընդգծվել է, որ Կոնգրեսը նախկինում էլ դատապարտել է Թուրքիայում տեղական ինքնակառավարման մարմինների ղեկավարների դեմ չափազանցված դատական գործերի հարուցումը և նրանց փոխարեն հոգաբարձուների նշանակման դեպքերը, քանի որ դրանք լուրջ վնաս են հասցնում ժողովրդավարությանը։
2017թ․ կատարված նմանատիպ մի հայտարարությամբ Կոնգրեսն առաջարկել էր Թուրքիայի իշխանություններին հոգաբարձուներ նշանակել ոչ թե ՏԻՄ մարմինների ղեկավարների փոխարեն, այլ քաղաքային խորհուրդներին քաղաքապետ ընտրելու իրավունք տալ։
Եվրոպայի խորհրդի գլխավոր քարտուղար Թորբյորն Յագլանդը ևս իր խոսնակի միջոցով արձագանքել է Թուրքիայում գրանցված պաշտոնանկության միջադեպերին։ Խոսնակ Դանիել Հյոլթգենը հայտարարել է, որ 3 քաղաքապետների ազատումն ու նրանց փոխարեն հոգաբարձուների նշանակումը լուրջ հարված են մարտի 31-ի ընտրություններին և ժողովրդավարությանը։ Խոսնակը մտահոգիչ է համարել Թուրքիայում տեղի ունեցող իրադարձությունները՝ նշելով, որ իրենք հետևում են իրավիճակի զարգացումներին։
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |