Ցեղասպանություն13:22, 29 Հուլիս 2019
Քուրդ պատգամավոր. «Թուրքիան պետք է առերեսվի 1915թ.-ի հետ»
Թուրքիայի քրդամետ «Ժողովուրդների դեմոկրատական» (ԺԴԿ-HDP) կուսակցության Սիիրթ քաղաքից ընտրված ազգությամբ քուրդ պատգամավոր Մերալ Դանըշ Բեշթաշը Սթոքհոլմում մասնակցել է ասորիների ցեղասպանությանը նվիրված ժողովին։
Մինչ ժողովին մասնակցելը, Բեշթաշը Շվեդիայում հանդիպել է ասորական համայնքի մի շարք կազմակերպությունների հետ, որի ընթացքում անդրադարձ է կատարել Հայոց ցեղասպանության հարցին, Թուրքիայի իշխանությունների վարած քաղաքականությանը երկրի ներսում։
«Գոյություն ունի 1915թ.-ի ցեղասպանության հարցը։ Պետք է առերեսվել դրա հետ և փորձել լուծում տալ։ Կան Դերսիմի և մի շարք այլ կոտորածները: Առերեսումը լուրջ ներդրում է ունենալու այդ հարցերի լուծման գործում»,-ասել է պատգամավորը։
Այնուհետև նա անդրադարձել է Թուրքիայում քրդական հիմնախնդրին՝ նշելով, որ թուրքական իշխանությունները մինչ այժմ շարունակում են խտրական քաղաքականոթյունը քրդերի նկատմամբ։
«Դուք մինչև հիմա արգելք եք սահմանում քրդերենի նկատմամբ։ Մինչև հիմա մայրենի լեզվով կրթություն հնարավոր չէ ստանալ։ 7 հատ կուսակցություն եք փակել։ Այս հարցերը պետք է լուծվեն։ Պետությունը չպետք է միջամտի հավատքի հարցերին։ Պետությունը հավատք և կրոն չունի։ Թուրքիայում միակ բանը, որ ընդունելի է, քաղաքացի հասկացությունն է։ Եթե թուրք ես, սուննի ես, մուսուլման և տղամարդ, ուրեմն ընդունելի քաղաքացի ես, իսկ, եթե քուրդ ես, հայ, ասորի և կին ես, ուրեմն ընդունելի չես»,- եզրափակել է քուրդ Բեշթաշը։
Այս ենթաբաժնի վերջին նորությունները
Հայոց ցեղասպանությունը ճանաչման մասին օրենքի այդ նախագիծը Համայնքների պալատ է ներկայացրել պահպանողական պատգամավոր Թիմ Լոութընը։
Թուրքիայի խորհրդարանի նախագահ. «Այս հարցը Հայաստանին, Հայաստանում ապրող հայերին ոչ մի օգուտ չի տա, ընդհակառակը՝ վնասակար կլինի»։
Պատճառը սույն թվականի ապրիլի 24-ին Հայոց ցեղասպանության վերաբերյալ կազմակերպության Ադանայի մասնաճյուղի տարածած հայտարարությունն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
1790թ. կառուցված, այժմ կիսավեր վիճակում գտնվող եկեղեցին 2010-ին գրանցվել է որպես պատմական հուշարձան:
Եվրախորհրդի մարդու իրավունքների հանձնաժողովը խախտում էր որակել 4 տարի անազատության մեջ պահվող թուրք գործարար Օսման Քավալայի ազատազրկման ժամկետի երկարացման որոշումը։
Նախկին պատգամավորը, սակայն, չի ընդունել իրեն առաջադրված մեղադրանքը՝ հակադարձելով, որ իր գրառումները քննադատություն են եղել՝ ուղղված իշխանությանը:
Երկու երկրների արտաքին գործերի նախարարները քննարկել են նաև տարածաշրջանային այլ խնդիրներ ու հարցեր:
Գործողությունն իրականացնող անձնակազմի մեջ ներառված են հոտուկջոկատայիններ, ժանդարմերիայի և ոստիկանության աշխատակիցներ:
Օրացույց
արտարժույթ
| EUR | TRY | USD |
| 549.84 | 90.05 | 485.12 |