Աղթամար կղզի մեկնած հայ սուզորդները սուզվել են Վանա լճում (լուսանկարներ)

Հասարակական12:05, 29 Հուլիս 2019

Աղթամար կղզի մեկնած հայ սուզորդները սուզվել են Վանա լճում (լուսանկարներ)

Վանում տուրիզմի զարգացումը խթանելու նպատակով ջրասույզների (դայվինգ) դպրոցներ են բացվել։ Այս իրադարձությունը հետաքրքրել է նաև հայ սուզորդներին, և օրերս Հայաստանից 10 հոգանոց մի խումբ է մեկնել Աղթամար կղզի։

Ստորջրյա լողի մարզիչներ Սերքան Օքի և Բուրաք Փեքգյոզի ղեկավարությամբ հայ սուզակները սուզվել են Վանա լճում։ Ստորջրյա լողը տևել է շուրջ 1 ժամ։ Հայ լողորդները իջել են մինչև լճի 18 մետր խորքը, տեսել են ջրի տակ գտնվող պատմական պարիսպներն ու գերեզմանաքարերը։

«Վան եկող տեղացի և արտասահմանցի զբոսաշրջիկների թիվը օրեցօր ավելանում է։ Այսօր էլ Հայաստանից 10 հոգանոց սուզորդների խումբ էր եկել։ Հայաստանից եկած լողորդները սուզվեցին Աղթամար կղզուց, որը նրանց համար կարևոր նշանակություն ունի։ Տեղացի և արտասահմանցի սուզորդների համար այս լիճը հետզհետե ավելի կարևոր է դառնում», - պատմել է մարզիչ Սերքան Օքը։

Վանա լիճը սոդա պարունակող ամենամեծ լիճն է աշխարհում։ Լճի մակերեսը կազմում է 3 ․712 քառակուսի կիլոմետր։ Այդ ցուցանիշով այն նաև Թուրքիայի ամենամեծ լիճն է։

Աղբյուր` mynet.com

Այս ենթաբաժնի վերջին նորությունները

15:29, 19 օգոս

Պոլսահայ ռոք երաժիշտը ելույթ կունենա Թուրքիայում

Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։