Ռազմական09:35, 23 Հուլիս 2019
Թուրքիայի արտգործնախարարն անդրադարձել է Ռուսաստանից կործանիչներ գնելու թեմային
Թուրքիայի արտգործնախարար Մևլութ Չավուշօղլուն հեռուստահաղորդման ժամանակ պատասխանել է Ռուսաստանից կամ Չինաստանից ռազմական ինքնաթիռներ գնելու հավանականության մասին հարցին:
Նախարարն ընդգծել է, որ Թուրքիան շատ լուրջ է վերաբերվում իր ռազմարդյունաբերության զարգացման հարցին և դրա համար էլ երկրին անհրաժեշտ ուղղաթիռների, ինքնաթիռների, տանկերի և այլ ռազմական տեխնիկայի շուրջ 70 տոկոսը հենց տեղական արտադրության են:
Գալով ԱՄՆ-ից F-35 կործանիչներ գնելու հարցին՝ Չավուշօղլուն մասնավորապես ասել է. «F-35-ները նոր տեխնոլոգիաներով արտադրվող ինքնաթիռներ են: Այդ պատճառով էլ մենք այդ նախագծի մասնակիցը դարձանք: Մենք նախագծին մասնակցելու համար շուրջ 1.4 մլրդ դոլարի ներդրում ենք կատարել: Հետևաբար, մեր նպատակը այդ արտադրանքը ձեռք բերելն է: Բայց ենթադրենք, որ ամեն ինչ ամենավատ սցենարով ընթանա և մեզ F-35 չվաճառեն: Իսկ Թուրքիան ունի նոր սերդնի ինքնաթիռների կարիք, մինչև դրանք կարտադրի ինքնուրույն: Հետևաբար, ինչպես S-400-ների դեպքում եղավ, Թուրքիան պետք է իր կարիքները հոգալու համար այլ աղբյուրներ փնտրի: Դա մեր ամենաբնական իրավունքն է և ոչ ոք չի կարող դրա դեմ որևէ բան ասել»:
Նա նաև ընդգծել է, որ եթե ԱՄՆ-ի կողմից Թուրքիայի դեմ պատժամիջոցներ կիրառվեն, ապա Թուրքիան էլ կարող է պատասխան քայլերի դիմել: Ըստ Չավուշօղլուի՝ Թրամփը չի ցանկանում Թուրքիայի դեմ պատժամիջոցներ կիրառել, քանի որ գիտակցում է, որ Թուքիային «Patriot» համակարգեր վաճառելուց հրաժարված ԱՄՆ-ի նախկին և ներկա կառավարություներն էլ ունեն իրենց մեղքի բաժինը այն հարցում, որ, ի վերջո, Թուրքիան Ռուսաստանից է գնել S-400 ՀՕՊ համակարգերը:
Հիշեցնենք, որ ԱՄՆ-ը երկար ժամանակ պահանջում էր Թուրքիայից հրաժարվել Ռուսաստանից S-400 ՀՕՊ համակարգեր գնելու մտադրությունից: Թուրքիան հրաժարվեց ենթարկվել ԱՄՆ-ի պահանջին, ինչի դիմաց ամերիկյան կողմը սպառնում էր պատժամիջոցներ կիրառել Թուրքիայի դեմ:
Այս ենթաբաժնի վերջին նորությունները
Այն բացվել էր 2021-ի հունվարի 30-ին։ Կենրոնում ծառայում էին 60 ռուս և 60 թուրք զինվոր։
2022-ի համեմատ 2023-ին Թուրքիայի ռազմական ծախսերն այն աճել են 37%-ով՝ հասնելով 15.8 միլիարդ դոլարի։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Թուրքիայի Արտաքին գործերի նախարարությունն իր պաշտոնական կայքում Հայոց ցեղասպանության առնչությամբ միջազգային արձագանքները դատապարտող հայտարարություն է հրապարակել։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |