Իրավական11:35, 19 Հուլիս 2019
Անգլիայի և Ուելսի փաստաբանների միությունը Թուրքիայի մասին զեկույց է ներկայացրել
Անգլիայի և Ուելսի իրավաբանների միությունը Թուրքիայի վերաբերյալ զեկույց է ներկայացրել ՄԱԿ-ի Մարդու իրավունքների խորհրդին։ Եվրոպայի տարբեր կետերում գործունեություն ծավալով մի շարք իրավական գրասենյակներ ներկայացնող միությունը քննադատել է Մարդու իրավունքների եվրոպական դատարանին (ՄԻԵԴ)՝ Թուրքիայից ստացված հազարավոր հայցերը մերժելու համար։ ՄԻԵԴ-ն այդ հարցերը մերժելիս որպես հիմնավորում է ներկայացրել այն պատճառաբանությունը, որ դիմողները Թուրքիայի ներսում բոլոր իրավական միջոցներն ու ճանապարհները չեն սպառել։
«2017թ․ Թուրքիայից ՄԻԵԴ է դիմել 57․039 քաղաքացի, սակայն 25․000 քաղաքացու ներկայացրած հայցերը չեն ընդունվել՝ կրկին վերահասցեավորվելով թուրքական դատարաններին։ Եթե ՄԻԵԴ-ն անգամ Թուրքիայի դեմ որոշում է կայացնում, այդ որոշումները Թուրքիայում ամեն դեպքում չեն կիրառվում», - ասված է զեկույցում։
Հեղինակները նշվել են նաև, որ Թուրքիայում մի շարք փաստաբաններ դատարանի կողմից պատժվում են միայն նրա համար, որ փորձել են պաշտպանել իրենց վստահորդների ու պաշտպանյալների իրավունքները։ Նույն կերպ բազմաթիվ փաստաբաններ ճնշումների են ենթարկվում՝ միաժամանակ փորձելով շարունակել իրականացնել իրենց աշխատանքային գործունեությունը։
«Հեղաշրջման փորձից հետո ձերբակալվել և կալանավորվել են 599 փաստաբաններ։ 1546 փաստաբան դատարանի առաջ է կանգնել։ 311 փաստաբանի վերաբերյալ դատական վճիռ է կայացվել։ Փաստաբանների վերաբերյալ ընդհանուր առմամբ 1․967 տարվա ազատազրկման որոշում է կայացվել»,- նշվում է ՄԱԿ-ին ներկայացված փաստաթղթում։
Զեկույցում տեղ են գտել նաև 2016թ․ հեղաշրջման փորձից առաջ Թուրքիայում գրանցված իրավախախտումները։ Զեկույցի հեղինակները անդարդարձել են 2015թ․ սպանված Դիարբեքիրի փաստաբանների պալատի նախագահ Թահիր Էլչիի և ահաբեկչության մեջ մեղադրանքով ազատազրկված «Ժամանակակից իրավաբանների միության» նախագահ Սելչուք Քոզաղաչլըի գործերին։
Հավելենք, որ ՄԱԿ-ի մարդու իրավունքների խորհուրդը վերջին անգամ Թուրքիայի վերաբերյալ զեկույց է հրապարակել 2015թ․, թեմայի վերաբերյալ իր հաջորդը զեկույցը կառույցը կհրապարակի 2020թ․։
Այս ենթաբաժնի վերջին նորությունները
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ընդդիմադիր HKP-ի առաջնորդ Նուրրուլահ Էֆե Անքութը դատապարտվել է 1 տարի 2 ամիս և 22 օր ազատազրկման։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |