Ռուսաստանը մտահոգված է Կիպրոսի ափերին Թուրքիայի գործողություններով

Միջազգային13:16, 09 Հուլիս 2019

Ռուսաստանը մտահոգված է Կիպրոսի ափերին Թուրքիայի գործողություններով

Ռուսաստանի արտգործնախարարությունը հայտարարություն է տարածել Կիպրոսի ջրերում Թուրքիայի կողմից կատարվող հորատման աշխատանքների վերաբերյալ։ Հայտարարությամբ ընդգծվել է, որ Ռուսաստանը մտահոգված է Կիպրոսի բացառիկ տնտեսական գոտում տեղի ունեցող զարգացումներով: Կողմերին կոչ է արվել զերծ մնալ լարվածությունն ավելի խորացնող քայլերից։

«Մտահոգված ենք հետևում այն լուրերին, ըստ որոնց՝ Թուրքիային պատկանող երկրորդ նավն է մուտք գործել Կիպրոսի բացառիկ տնտեսական գոտի հորատման-որոնողական աշխատանքներ կատարելու նպատակով։ Կարծում ենք, որ Կիպրոսի ինքնիշխանության ոտնահարումը չի կարող նպաստել Կիպրոսի հիմնախնդրի կայուն, կիրառելի և արդար լուծման համար պայմանների ձևավորմանը»,- ասված է հայտարարության մեջ։

Մոսկվան կողմերին կոչ է արել նաև զսպվածություն և քաղաքական իմաստնություն ցուցաբերել և խնդրո առարկա հակասությունները լուծել երկխոսության ու միմյանց շահերը հարգելու սկզբունքով։

«Ակնհայտ է, որ անհրաժեշտություն կա հնարավորինս արագ վերսկսել Կիպրոսի հիմնախնդրի լուծմանն ուղղված բանակցությունների գործընթացը՝ հիմնված ՄԱԿ-ի հայտնի որոշումների վրա։ Մենք՝ որպես ՄԱԿ-ի անվտանգության խորհրդի մշտական անդամ, պատրաստ ենք աջակցել նմանատիպ ջանքերին», - ասված է ՌԴ ԱԳՆ հայտրաարության մեջ։

Հիշեցնենք, որ Թուրքիան Կիպրոսի բացառիկ տնտեսական գուտում բնական գազի որոնման աշխատանքներ է կատարում՝ պնդելով, որ Հյուսիսային Կիպրոսի ինքնահռչակ հանրապետությունը ևս իրավունքներ ունի կղզու ափամերձ բնական պաշարների նկատմամբ։ Մինչդեռ Կիպրոսի Հանրապետությունը համոզված է, որ Թուրքիայի գործողություններն անօրինական են, իսկ Կիպրոսը, որպես կղզու միակ պաշտոնապես ճանաչված պետություն, բացարձակ իրավունքներ ունի կզղու հարակից ջրերի օգտակար հանածոների նկատմամբ։

Աղբյուր` tele1.com.tr

Այս ենթաբաժնի վերջին նորությունները

11:13, 26 օգոս

Թուրք-շվեդական գաղտնի փաստաթղթերը՝ Ստոկհոլմի օդանավակայանի զուգարանում

Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։

13:30, 21 օգոս

Զելենսկի-Պուտին հանդիպումը կարող է կայանալ Թուրքիայում

Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։

13:25, 20 օգոս

Թուրքիայում կկայանա ՆԱՏՕ-ի անդամ երկրների գագաթնաժողովը

Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: