Միջազգային16:20, 08 Հուլիս 2019
Թուրքիայի նախագահ Էրդողանն առաջինն է շնորհավորել Հունաստանի վարչապետին
Թուրքիայի նախագահ Ռեջեփ Թայիփ Էրդողանն առաջինն է շնորհավորել Կիրիակոս Միցոտակիսին՝ Հունաստանի վարչապետի պաշտոնում ընտրվելու կապակցությամբ։
Նորընտիր վարչապետի հետ հեռախոսազրույցի ժամանակ Էրդողանը հույս է հայտնել, որ Միցոտակիսի պաշտոնավարումը նպաստավոր կլինի Թուրքիա-Հունաստան հարաբերությունների և ողջ տարածաշրջանի համար։
Չնայած Թուրքիայի լավատեսությանը՝ Միցոտակիսը առանձնապես աչքի չի ընկնում թուրքամետությամբ։ Ընտրություններից առաջ կատարած իր մի հայտարարությամբ նա աջակցել էր Կիպրոսի հարակից ջրերում հորատման աշխատանքներ կատարելու համար Թուրքիայի նկատմամբ Եվրամիության կողմից պատժամիջոցներ կիրառելու առաջարկին։ Հույն գործիչը նշել էր, որ եթե Անկարայի իշխանությունները շարունակեն խախտել Կիպրոսի ինքնիշխանության իրավունքը, ապա Հունաստանն ու Կիպրոսը կոչ կանեն ԵՄ-ին՝ պատժամիջոցներ կիրառել Թուրքիայի դեմ։
Նախընտրական քարոզարշավի ընթացքում Միցոտակիսը նաև խոսել էր Թուրքիայի հետ բարիդրացիական հարաբերություններ կերտելու Հունաստանի ցանկության մասին՝ չմոռանալով նշել, որ նման հարաբերությունները հնարավոր են միայն միջազգային իրավունքի նորմերի պահպանման պայմաններում։
Կիրիակոս Միցոտակիսի հայրը, ով նույնպես Հունաստանի վարչապետն է եղել, 1967թ․ հունական ռազմական հեղաշրջման պատճառով սկզբում կալանավորվել, ապա ընտանիքով փախել էր Թուրքիա։ Նրան այդ հարցում աջակցել էր Թուրքիայի արտգործնախարար Իհսան Սաբրի Չաղլայանգիլը։
Այժմ Թուրքիայում խոսակցություններ են պտտվում, որ Հունաստանի վարչապետի պաշտոնում կրտսեր Միցոտակիսի ընտրվելը լավ առիթ է Թուրքիային երբեմնի լավության դիմաց «շնորհակալություն հայտնելու» համար։
Այս ենթաբաժնի վերջին նորությունները
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |