5 ամսում Թուրքիայում 716 աշխատավոր է զոհվել գործի ժամանակ

Հասարակական08:57, 11 Հունիս 2019

5 ամսում Թուրքիայում 716 աշխատավոր է զոհվել գործի ժամանակ

2019թ․ մայիսին Թուրքիայում արդյունաբերական վթարների պատճառով առնվազն 163 մարդ է զոհվել։ Այս մասին տեղեկացնում է Թուրքիայի «Աշխատավորների առողջության և աշխատանքի անվտանգության խորհուրդը»։

Մահացածներից 12-ը կանայք են, 151-ը՝ տղամարդիկ։ Մահացած աշխատավորների թվում 14 տարին չլրացած 9 երեխա է եղել։ Ընդհանուր առմամբ տարվա առաջին հինգ ամսում 716 աշխատավոր է զոհվել գործի ժամանակ։

Ամենից հաճախ մահվան ելքով վթարներ են գրանցվել գյուղատնտեսության, շինարարության, փոխադրումների և հանքարդյունաբերության ոլորտներում։ Մահվան պատճառների թվում առաջատար են ավտովթարները, բարձրությունից ընկնելը և թունավորումները։

Մայիսին արդյունաբերական վթարներ են գրանցվել Թուրքիայի 55 նահանգում: Ամենաշատը եղել է Ստամբուլում, Անթալիայում, Բուրսայում, Շանլըուրֆայում, Իզմիրում և Քոջաելիում։

Աղբյուր` diken.com.tr

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։