Հասարակական06:03, 11 Հունիս 2019
Ստամբուլում հայերի դեմ սաստկացող ատելության հարցը՝ Թուրքիայի մեջլիսում
Թուրքիայի ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) պատգամավոր Հյուդա Քայան Ստամբուլում հայերի դեմ կազմակերպվող հարձակումների հարցը բարձրաձայնել է երկրի խորհրդարանում (մեջլիսում)։
Թուրքիայի ներքին գործերի նախարար Սուլեյման Սոյլուին ուղղված հարցման մեջ պատգամավորը մասնավորապես ընդգծել է․ «Սա դեռ սկիզբն է» բնույթի բանավոր հայտարարություններն ու գրավոր սպառնալիքները խորացրել են թաղամասի բնակիչների մտահոգությունները։ Այդ հարձակումից հետո էլ Սամաթիայում հայերի տների վրա նշաններ են արվում, ու նրանց կյանքը իսկապես վտանգի մեջ է»:
Հյուդա Քայան Սոյլուից պահանջել է պատասխանել հետևյալ հարցերին․
1․ Հարձակվողների ինքնությունը պարզելու ուղղությամբ որևէ հետաքննություն տարվու՞մ է և ի՞նչ փուլում է այն։
2․ Նմանատիպ հարձակումները կանխելու համար ձեր նախարարության կողմից կանխարգելիչ աշխատանքներ կատարվու՞մ են։
3․ Ձեր նախարարությունը ի՞նչ միջոցներ է ձեռնարկել կամ պատրաստվու՞մ է ձեռնարկել Սամաթիայի մեր քաղաքացու անվտանգությունն ապահովելու համար։
4․ Հայերի տների վրա նշաններ դնելու և իրականացված հարձակումների հետ կապված որևէ հետաքննություն ձեր նախարարությունը իրականացնու՞մ է։ Եթե այո, ապա ի՞նչ փուլում է այդ հետաքննությունը։
5․ Մինչ օրս հայ քաղաքացիների տների վրա նշաններ դրած անձանցից քանի՞սն են հայտնաբերվել։ Այդ մարդկանցից քանի՞սն են պատժվել։
6․ Սամաթիայում մեր հայ քաղաքացիների դեմ իրականացված ռասիստական հարձակման դեմ ի՞նչ միջոցներ են ձեռնարկվել։
7․ Կառավարության ներկայացուցիչների կողմից փոքրամասնությունների վերաբերյալ օգտագործվող նվաստացուցիչ հռետորաբանությունը որևէ դեր խաղացե՞լ է նմանատիպ հարձակումների հաճախակիացման հարցում։
8․ Տարբեր էթնիկ ծագում և հավատք ունեցող մեր քաղաքացիների խաղաղ ու անվտանգ գոյությունն ապահովելու համար պետական պաշտոնյաների անջատողական, ատելություն քարոզող հռետորաբանությունն ու քաղաքականությունը վերափոխելու ուղղությամբ ի՞նչ աշխատանքներ են նախատեսվում։
Հիշեցնենք, որ մայիսի վերջին Ստամբուլի Սամաթյա թաղամասում բնակվող հայաստանցի Արփինե Թումանյանը դանակահարվել էր իր տուն ներխուժած անհայտ անձանց կողմից: Իսկ հարձակումից առաջ ազգայնամոլները նրանց տան պատին հատւկ նշան էին դրել։ Միջադեպից հետո նույն թաղամասում հայերի դեմ ևս մեկ հարձակում է իրականացվել, իսկ հայերի տների վրա շարունակվում է տարբերակող նշումներ անելը։
Այս ենթաբաժնի վերջին նորությունները
Թուրքիան երիտասարդ բնակչության շրջանում աղքատության ռիսկի 21․2% ցուցանիշով գերազանցում է ԵՄ-ի և եվրագոտու միջին ցուցանիշները:
Ադրբեջանցիներին հաջորդում են թուրքմենները (9.8%), ուզբեկները (7.6%), ռուսները (7.5%) և իրանցիները (5.9%)։
Համաձայնագիրը ստորագրվել է Ստամբուլում տեղի ունեցած «Իսլամական համագործակցություն» կազմակերպության անդամ երկրների արտգործնախարարների խորհրդի նիստի շրջանակում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հայ-թուրքական հարաբերությունները կշարունակեն մնալ վերականգնման փուլում, բայց դեռ երկար ժամանակ չեն վերականգնվի։
Հարցումները ցույց են տալիս, որ թուրքերն ամենաշատը վստահում են ադրբեջանցիներին, իսկ ադրբեջանցիները՝ թուրքերին։
Թուրքիայի նախագահը Նիդերլանդերից վերադառնալիս ինքնաթիռում պատասխանել է լրագրողների հարցերին։ Անդրադարձել է նաև վերջերս Թրամփի հետ ունեցած հանդիպման արդյունքներին։
Թուրքական մամուլում լայնորեն տարածվել է հանդիպման լուսանկարը, որտեղ երևում է Էրդողանի ձեռքի ծրարը։
Թուրքիան երիտասարդ բնակչության շրջանում աղքատության ռիսկի 21․2% ցուցանիշով գերազանցում է ԵՄ-ի և եվրագոտու միջին ցուցանիշները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |