Անկարայում ուժեղ ջրհեղեղներ են, կան զոհեր (լուսանկարներ)

Հասարակական12:52, 10 Հունիս 2019

Անկարայում ուժեղ ջրհեղեղներ են, կան զոհեր (լուսանկարներ)

Թուրքիայի Անկարա նահանգում առատ տեղումների հետևանքով ջրհեղեղ է սկսվել։ Անկարայի նահանգապետարանը հաղորդում է, որ ջրհեղեղի հետևանքով արդեն կա 3 զոհ, որոնցից մեկը կին է։ Տասնյակ ավտոմեքենաներ մնացել են ջրի տակ, իսկ մի շարք փողոցներ փակվել են։

Ամենաշատ տեղումները բաժին են ընկել Չանքայա և Էթիմեգութ շրջաններին։ Թուրքիայի կառավարության աղետների և արտակարգ իրավիճակների վարչության (AFAD), ինչպես նաև Անկարայի քաղաքապետարանի նախաձեռնությամբ գործի են դրվել փրկարար ջոկատներ և մեծ թվով տեխնիկա։

Թեմայի շուրջ հայտարարություն է արել Անկարայի նորընտիր քաղաքապետ Մահսուր Յավաշը։ Ըստ նրա՝ ջրհեղեղի տարածման պատճառ են դարձել Անկարայում ենթակառուցվացքային խնդիրները։ Ջրհեղեղը վնաս է հասցրել նաև մի շարք շենք-շինությունների:

Աղբյուր` Evrenesel

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։