Մահմեդական հոգևորականը քննադատել է թուրք-հունական պատերազմում թուրքերի հաղթանակը

Հասարակական08:29, 05 Հունիս 2019

Մահմեդական հոգևորականը քննադատել է թուրք-հունական պատերազմում թուրքերի հաղթանակը

Իսլամական պահքի` Ռամադանի ավարտն ազդարարող տոնին Թուրքիայի Գազիանթեփի շրջանի մզկիթներից մեկի իմամը (մահմեդական հոգևորական) մզկիթ այցելած քաղաքացիների հետ զրույցում վիրավորել է Թուրքիայի Հանրապետության հիմնադիր Աթաթուրքին և երկրորդ նախագահ Իսմեթ Ինոնյուին:

Ֆադըլ Յըլան անունով իմամը զրույցի ընթացքում ափսոսանք է հայտնել, որ թուրքերը քեմալական շարժման տարիներին թուրք-հունական պատերազմում հաղթանակներ են տարել:

«Մեզ խաբել են պատերազմում: Ինոնյուի առաջին ճակատամարտում (1919-1921թթ. թուրք-հունական պատերազմի առաջին փուլ) այսպես են հաղթել, Ինոնյուի երկրորդ ճակատամարտում այնպես են հաղթել, Սաքարիայում այդպես են հաղթել... Այսպիսի հերոսություններ են արել, այնպիսի հերոսություններ են արել... հույներին ծովն են նետել... հարց. ո՞րտեղ են նետել: Ամեն ինչ սուտ է, երանի թե այդ ժամանակ պարտություն կրեինք պատերազմում և գուցե ավելի ուշ կկարողանայինք նորից կառուցել Օսմանյան կայսրությունը»,-ասել է իմամը:

Հանրության լայն շրջանակներ բացասաբար են արձագանքել իմամի խոսքերին: Գազիանթեփի նահանգապետարանը սոցցանցում հայտարարություն է տարածել, որ իմամին զրկել են հոգևորականության աստիճանից:

Թեմային անդրադարձել են նաև Մուստաֆա Քեմալ Աթաթուրքի հիմնադրած «Ժողովրդահանրապետական» կուսակցության (CHP-ԺՀԿ) փոխնախագահը:

Աղբյուր` Cumhuriyet

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։