Հոդված07:31, 30 Մայիս 2019
«Ռուսաստանը միակ երկրին է, որին այդպես էլ չկարողացանք հաղթել». թուրք վերլուծաբան
Թուրքական «Yeni mesaj» թերթում թուրք վերլուծաբան Աքըն Այդընը հրապարակել է մի ուշագրավ հոդված՝ «Ինչո՞ւ է Ռուսաստանը հանդուրժում Թուրքիային» վերտառությամբ։
Ըստ հեղինակի՝ վերջին տարիներին Թուրքիան Ռուսաստանի դեմ իրականակացրել է մի շարք քայլեր և հայտնվել է Ռուսաստանի համար հակադիր բևեռում, և Մոսկվան հանդուժել է այդ ամենը։
Թուրքիան Ռուսաստանի համար հակադիր ճակատում հայտնվեց Վրաստանում և Ուկրաինայում տեղի ունեցած իրադարձություններից հետո՝ անելով մի շարք հակառուսական քայլեր և հայտարարություններ, և Մոսկվան դա էլ հանդուրժեց։
«Թուրքիան Ռուսաստանի դեմ գործեց նաև Ղրիմի հարցում՝ չճանաչելով դրա կցումը Ռուսաստանին: Ու Մոսկվան դարձյալ հանդուրժեց։ Սևծովյան նեղուցներում գոյություն ունեն կոնվեnցիաներ։ Թուրքիայի թույլտվությամբ ամերիկյան ռազմանավերը մուտք գործեցին Սև ծով։ Ռուսները նորից հանդուրժեցին։ Ռուսաստանը մեր հարցում հանդուրժողականություն ցուցաբերեց նաև Սիրիայում։ Մինչդեռ ԱՄՆ-ն, որն իբրև թե մեր բարեկամն է, օր օրի սպառնում է մեզ և փորձում մեզ ծուղակը գցել։ Մենք չկարողացանք փրկել սպանված ռուս դեսպանին, ով գնդակահարվեց Անկարայում։ Մենք խոցեցինք ռուսական ռազմական ինքնաթիռ, բայց Ռուսաստանը մեզ հետ կապերը վերջնականապես չխզեց։ Մոսկվան նույնիսկ դրանից հետո չասեց Թուրքիային կվառեմ և կոչնչացնեմ»,- շարադրում է դեպքերը հոդվածի հեղինակը։
Փորձելով պարզել, թե որն էր Թուրքիայի նկատմամբ Մոսկվայի այդչափ հանդուրժողականության պատճառը՝ Աքըն Այդընը նշում է, որ խնդիրը պետք է դիտարկել տնտեսական և քաղաքական հարթության մեջ: Ռուսաստանը, հաշվի առնելով Թուրքիայի ռազմավարական նշանականությունը, այդ ամենը հանդուրժեց միմիայն իր ժողովրդի շահերի համար։ Ըստ նրա՝ Մոսկվան շատ լավ հասկանում էր, թե ինչ տնտեսական և քաղաքական հետևանքներ կլինեն հակամարտության խորացման դեպքում։ Բացի ադ էլ կմեծանար ԱՄՆ-ի ազդեցությունը Մերձավոր արևելքում։
«Այդ իսկ պատճառով Ռուսաստանը Թուրքիայի հարցում կտրուկ քայլերի չգնաց։ Չդարձավ Թուրքիայի թշնամին»:
Անդրադառնալով ռուսական S-400 ՀՕՊ համակարգերի շուրջ ստեղծված իրավիճակին՝ հոդվածի հեղինակը կարծիք է հայտնում, որ եթե Անկարան ամերիկյան ճնշումների պատճառով հրաժարվի դրանցից, ապա Մոսկվայի համբերության բաժակը վերջնականապես կլցվի։
Վերջում թուրք վերլուծաբանը կոչ է հղում Թուրքիայի իշխանություններին. «Ի՞նչ օսմանյան ապտակից եք խոսում, եթե Ռուսաստանը միակ երկիրն է, որին այդպես էլ չկարողացանք հաղթել։ Եղեք ողջամիտ և ռացիոնալ»։
Այս ենթաբաժնի վերջին նորությունները
2023-ի սեպտեմբերի 19-ին Ադրբեջանն Արցախի հայաթափման և խնդրի վերջնական լուծման նպատակով դիմեց ուժի կիրառմանը, ինչի հետևանքով 10-նյակ հազարավոր հայեր լքեցին իրենց տները:
Թուրքիայի արտգործնախարարը պնդել է, որ Ադրբեջանի գործողությունները բացահայտ թիրախ չեն եղել էթնիկ հայ բնակչության դեմ։
Չնայած բավական «ոչ հրապարակային կյանքին ու գործունեությանը»՝ Գյուլերի անունը տարիների ընթացքում մի քանի սկանդալային պատմություններով է՛լ ավելի հայտնի է դարձել թուրք հանրությանը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |