Թուրքիայում նախկին դատապարտյալը գործազրկության պատճառով ինքնահրկիզվել է

Հասարակական09:37, 22 Մայիս 2019

Թուրքիայում նախկին դատապարտյալը գործազրկության պատճառով ինքնահրկիզվել է

Թուրքիայի Գազիանթեփ նահանգում երիտասարդ քաղաքացին ինքնահրկիումից մահացել է։

Լրատվամիջոցների տեղեկացմամբ՝ Էյուպ Դալ անունով քաղաքացին երկար ժամանակ չի կարողացել աշխատանք գտնել, ի վերջո, դիմել է Շահինբեյի տեղական ինքնակառավարման մարմիններին։ Սակայն բացասական պատասխան ստանալով՝ հենց գյուղապետարանի դիմաց բենզին է լցրել ինքն իր վրա ու ինքնահրկիզվել։ Երիտասարդին տեղափոխել են հիվանդանոց, բայց ստացած այրվածքների պատճառով նրա կյանքը փրկել այլևս չի հաջողվել։

Մամուլում մեծ արձագանք ստացած դեպքի առթիվ Շահինբեյի գյուղապետարանը գրավոր հայտարարություն է տարածել՝ հաստատելով, որ մայիսի 8-ի առավոտյան Էյուպ Դալ անունով քաղաքացին իսկապես դիմել է իրենց, իսկ այնուհետև շենքի առջև ինքնահրկիզվել է։ Սակայն գյուղապետարանը հերքել է այն տեղեկությունը, թե Դալը ֆինանսական խնդիրներ է ունեցել և գործազրկության պատճառով է հուսահատության մեջ ընկել։ Ըստ հայտարարության՝ մահացած երիտասարդի ընտանիքը մի քանի տուն և տարբեր աղբյուրներից ստացվող եկամուտներ ունի։ Գյուղապետարանը նշել է նաև, որ նախկինում 11 տարի ազատազրկված Էյուպ Դալը ոչ միայն աշխատանք է խնդրել, այլև առաջին հերթին պահանջել է հանել դատվածությունը։

Աղբյուր` tr.sputniknews.com

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։