ՆԱՏՕ-ի գլխավոր քարտուղար. «S-400 համակարգերի գնումը Թուրքիայի ազգային որոշումն է, բայց…»

Քաղաքական07:46, 06 Մայիս 2019

ՆԱՏՕ-ի գլխավոր քարտուղար. «S-400 համակարգերի գնումը Թուրքիայի ազգային որոշումն է, բայց…»

ՆԱՏՕ-ի գլխավոր քարտուղար Յենս Ստոլտենբերգը մայիսի 6-ից 7-ը Թուրքիա կատարելիք այցից առաջ հարցազրույց է տվել թուրքական «Anadolu» պետական լրատվական գործակալությանը:

Նա հատուկ անդրադարձել է Թուրքիայի կողմից ռուսական հակաօդային պաշտպանության (ՀՕՊ) «S-400» համակարգերի գնման թեմային:

«Զենք-զինամթերքի ձեռքբերման հարցը լուծվում է երկրների ազգային որոշումներով, սակայն օպերացիաներ և առաքելություններ իրագործելու տեսանկյունից դաշնակից երկրների զինված ուժերի համատեղ աշխատանքի կարողությունը ՆԱՏՕ-ի համար հիմնարար սկզբունք է», -նկատել է տվել Ստոլտենբերգը:

Նշենք, որ ռուսական «S-400» ՀՕՊ համակարգերի գնման թեման ՆԱՏՕ-ի անդամ երկու դաշնակից երկրների՝ ԱՄՆ-ի ու Թուրքիայի հարաբերություններում ճգնաժամի առաջացման պատճառ է դարձել: ԱՄՆ-ն անցանկալի է համարում Թուրքիայի կողմից ռուսական համակարգերի գնումը՝ Անկարային հորդորելով հրաժարվել այդ գործարքից: ԱՄՆ-ի բազմաթիվ պաշտոնյաներ բազմիցս հայտարարել են, որ գործարքից չհրաժարվելու դեպքում Անկարան կարող է հայտնվել Վաշինգտոնի պատժամիջոցների թիրախում, որոնք կարող են արտահայտվել ընդհուպ մինչև ամերիկյան նոր սերնդի F-35 կործանիչների ծրագրից Թուրքիային դուրս թողնելով:

Թուրքիան էլ բարձրաստիճան պաշտոնյաների մակարդակով քանիցս հայտարարել է, որ գործարքն արդեն կայացած է և իրենք ոչ մի դեպքում չեն պատրաստվում հրաժարվել դրանից:

Աղբյուր` Sabah

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։