Ցեղասպանություն14:49, 24 Ապրիլ 2019
Թուրքիայի քրդամետ կուսակցության հայտարարությունը Հայոց ցեղասպանության մասին
Թուրքիայի ընդդիմադիր քրդամետ «Ժողովուրդների դեմոկրատական կուսակցությունը» (HDP-ԺՀԿ) Հայոց ցեղասպանության 104-րդ տարելիցի կապակցությամբ գրավոր հայտարարություն է տարածել:
HDP-ի հայտարարության մեջ նշվել է, որ իրենք կիսում են 104 տարվա ցավը և հարգանքով հիշում զոհվածներին: Նաև շեշտվել է, որ 1915-ին կատարվածը ծրագրված ցեղասպանություն էր:
«1915թ. ապրիլի 24-ին սկսված Մեծ եղեռնից, որը այլ բան չէր, քան ծրագրված ցեղասպանություն էթնիկ և կրոնական հողի վրա, արդեն անցել է 104 տարի: Գործընթացը սկսվեց 200-ից ավել հայ մտավորականներին տներից հանելով և մահվան ուղարկելով, շարունակվեց 100 հազարավոր հայերի աքսորով ու մեծամասնության համակարգված սպանությամբ»,-նշվել է հայտարարությունում:|
Քրդամետ կուսակցությունն ընդգծել է, որ այսօր էլ շարունակվում է այն նպատակադրված քաղաքականությունը, որը միտված է բազմազանությունը ջնջելուն և միատարր հասարակություն ստեղծելուն, «մեկ ազգ, մեկ կրոն և մեկ լեզու» գաղափարը գերակա դարձնելուն, այս տարածքներում տարբեր ժողովուրդների և դավանանքների գոյությունը մոռացության մատնելուն: Դեռևս համընդհանուր կերպով չի ընդունվել, որ որևէ էթնիկ խումբ, լեզու, մշակույթ կամ կրոն մյուսների նկատմամբ չունի առավելություն:
Հայտարարության մեջ կարևորվել է հանուն համատեղ ապագայի, ինչպես նաև միմյանց հասկանալու և վերքերը ազնիվ մոտեցմամբ ամոքելու համար մարդկության դեմ հանցագործությունների դատապարտումը և պատմական իրողությունների հետ առերեսումը, տուժած ժողովուրդներից ներողություն խնդրելը և արդարադատության միջոցներին դիմելը:
Այս ենթաբաժնի վերջին նորությունները
Հայոց ցեղասպանությունը ճանաչման մասին օրենքի այդ նախագիծը Համայնքների պալատ է ներկայացրել պահպանողական պատգամավոր Թիմ Լոութընը։
Թուրքիայի խորհրդարանի նախագահ. «Այս հարցը Հայաստանին, Հայաստանում ապրող հայերին ոչ մի օգուտ չի տա, ընդհակառակը՝ վնասակար կլինի»։
Պատճառը սույն թվականի ապրիլի 24-ին Հայոց ցեղասպանության վերաբերյալ կազմակերպության Ադանայի մասնաճյուղի տարածած հայտարարությունն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Նուման Քուրթուլմուշ. «Մենք ցանկանում ենք, որ Հայաստանը Կովկասի խաղաղությանն աջակցի ոչ թե հայկական լոբբիի ցույց տված ուղղությամբ, այլ Հայաստանում ապրող հայ ժողովրդի շահերին համապատասխան»:
Թուրքիայի նախագահը՝ ԱՄՆ-ին. «Դա ի՞նչ բարեկամություն է: Դա ՆԱՏՕ-ի կազմում ինչպիսի՞ միասնություն է: Տվե՛ք մեզ դրա պատասխանը»:
Դմիտրի Պեսկովը հարցազրույց է տվել հունական հեռուստալիքներից մեկին՝ Սոչիում Վլադիմիր Պուտինի ու Հունաստանի վարչապետի միջև կայանալիք հանդիպումից առաջ:
«Մենք չենք ճանաչում Քավալայի, Դեմիրթաշի, սրա, նրա հետ կապված ԵՄ որոշումները։ Հարցն այդքան պարզ է։»,-նշել է Թուրքիայի նախագահը։
«Օրբելի» կենտրոնում թեման քննարկում են թուրքագետ Անահիտ Վեզիրյանը և տնտեսագետ Տաթևիկ Առուստամյանը։
Օրացույց
արտարժույթ
| EUR | TRY | USD |
| 549.84 | 90.05 | 485.12 |