Ցեղասպանություն14:42, 24 Ապրիլ 2019
«Հայոց ցեղասպանություն չկա, բայց դա չի նշանակում, որ չի էլ լինելու». թուրք ազգայնական գործիչը սպառնում է
Թուրքիայի ազգայնական ուղղվածություն ունեցող «Լավ» կուսակցության (İyi)՝ Տրապիզոն նահանգի Արաքլը քաղաքի գրասենյակի գործադիր խորհրդի անդամ Թունջայ Սեյդիօղլուն իր թվիթերյան էջում գրառումներ է կատարել Հայոց ցեղասպանության վերաբերյալ:
Սեյդիօղլուն, նախ հերքել է ցեղասպանության փաստը, ապա հայերին սպառնացել նոր ցեղասպանությամբ:
Սեյդիօղլուն մասնավորապես գրել է. «Հայոց ցեղասպանություն գոյություն չունի: Սակայն դա չի նշանակում, որ չի էլ լինի: Այդ պատճառով լավ կլինի, եթե դուք զգույշ լինեք»:
Մեկ այլ գրառման մեջ թուրք գործիչը գրել է. «Ամբոխը, որը ապրիլի 24-ին «ցեղասպանություն չկա» ասել չի կարողանում և Խոջալուի կոտորածին անձայն է մնում, ինձ մեղադրում է ատելություն տարածելու մեղքի մեջ: Այդ երբա՞նից է զգուշացնելը դարձել մեղք: Ինչ ձեռքներիցդ գալիս է, արե՛ք: Ո՛չ դատարանները, ո՛չ էլ կտրուկ հեռացումները, մեզ չեն ստիպի չասել այն, ինչ մենք ճիշտ ենք համարում»:
Ավելի ուշ Սեյդիօղլուն մեկնաբանություն է տվել թուրքական Odatv լրատվակայքին՝ ընդգծելով, որ իր գրառման մեջ նա նկատի չի ունեցել Թուրքիայում ապրող հայ քաղաքացիներին, այլ այն ուղղված է եղել Հայաստանի դաշնակներին: Ազգայնական կուսակցության ներկայացուցիչը նշել է, որ նպատակ չի ունեցել նեղացնել Թուրքիայի տարբեր նահանգներում ապրող հայ քաղաքացիներին: Սեյդիօղլուն նշել է, որ ներողություն է խնդրում հայ քաղաքացիներից՝ միևնույն ժամանակ հրաժարվելով ներողություն խնդրել դաշնակցականներից:
Այս ենթաբաժնի վերջին նորությունները
Գիտաժողովի մասնակիցները կոչ են արել Թուրքիային ճանաչել 1915թ․ հայերի, ասորիների ու հույների դեմ իրագործված ցեղասպանությունը։
Ընդդիմադիր կուսակցապետը նշել է, որ աջակցում է Թուրքիայի նախագահ Ռեջեփ Թայիփ Էրդողանին, որը խստորեն է արձագանքում Հայոց ցեղասպանությունը ճանաչող երկրներին:
Թուրքիայի դրոշը տեղի հայերը այրել էին ապրիլի 24-ին կազմակերպված միջոցառման շրջանակներում։
Ուղիղ խոսք
Եթե Եվրամիությունը բացեիբաց ասի՝ Թուրքիային չենք ընդունելու, մենք էլ կհանգստանանք ու կանցնենք մեր «B» և «C» պլաններին:
ամենաշատ ընթերցված
Boeing 777-300 մինչ արագություն հավաքելը դիպչել է թռիչքուղու էլետրասյուներից մեկին:
Պատրիարքի ընտրությունների վերաբերյալ նախկինում կայացված դատական որոշումները բողոքարկվել են «կրոնի և խղճի ազատության ոտնահարման» հիմնավորմամբ։
ԺՀԿ պատգամավոր Քաֆթանջըօղլուն մեղադրվել է Էրդողանին վիրավորելու, Թուրքիայի Հանրապետությանը վիրավորելու, ահաբեկչության պրոպագանդա կատարելու մեջ։
Թուրքիայի Հալֆեթ շրջանում մարդկանց ձերբակալում և բռնություն են գործադրում նրանց վրա, այդ թվում տարեցների ու երեխաների:
S-400-ների հարցում վերապատրաստվելու նպատակով թուրք մասնագետները մեկնել են Ռուսաստան:
Օրացույց
Հարցումներ
Ստամբուլի քաղաքապետի ընտրություններում ո՞վ կհաղթի
արտարժույթ
| EUR | TRY | USD |
| 549.84 | 90.05 | 485.12 |