Իրավական13:28, 23 Ապրիլ 2019
Զեկույց․ «Թուրքիայում 6 տարում աշխատանքի պատճառով 365 երեխա է զոհվել»
Ապրիլի 23-ին Թուրքիայում նշվող երեխաների տոնի առթիվ զեկույց է հրապարակվել երեխաների իրավունքների ոտնահարման մասին։ Զեկույցի հեղինակը Թուրքիայի ընդդիմադիր «Ժողովրդահանրապետական» կուսակցության (CHP) պատգամավոր Թեքին Բինգյոլն է։
Զեկույցում արձանագրվել է, որ Թուրքիայում աշխատանքի պատճառով ոտնահարվում են երեխաների այնպիսի հիմնարար իրավունքները, ինչպիսիք են ապրելու և սովորելու իրավունքը։
Շուրջ կես միլիոն երեխա պարբերաբար ներգրավվում է սեզոնային գյուղատնտեսական աշխատանքներում, ավելին, Թուրքիայում ապաստանած սիրիացի փախստականների երեխաները նույնպես սկսել են աշխատել գյուղատնտեսության ոլորտում։
Թուրք ընդդիմադիր գործիչն ընդգծել է, որ աշխատող երեխաների թիվը երկրում արագորեն սկսել է աճել հատկապես «Արդարություն և զարգացում» կուսակցության (AKP)՝ իշխանության գալուց հետո։ Թուրքիայում ներկայումս շուրջ 22․9 մլն անչափահաս է բնակվում, որոնցից ավելի քան միլիոնը ներգրավված է տարբեր աշխատանքներում։ Ընդ որում, աշխատող երեխաների 80 տոկոսը գրանցված չեն գործատուի կողմից։
Վերջին 6 տարվաիների ընթացքում աշխատանքի պատճառով զոհվել է 365 երեխա, որոնցից 16-ը՝ 2019թ․ առաջին 3 ամիսների ընթացքում։ Յուրաքանչյուր 6 օրվա ընթացքում Թուրքիայում 1 երեխա է զոհվում արդյունաբերական վթարներից։ Ըստ վիճակագրության՝ նմանատիպ վթարների պատճառով զոհվող յուրաքանչյուր 20 աշխատողից մեկը երեխա է։
Զեկույցում անդրադարձ է կատարվել նաև կրթության վիճակին։ Արձանագրվել է, որ 2017/2018 ուսումնական տարում տարրական դպրոցում (1-4-րդ դասարան) կրթություն ստացող երեխաները կազմել են տվյալ տարիքային խմբի երեխաների 91․5 տոկոսը, միջին դպրոցում (5-8-րդ դասարան)՝ 94․4 տոկոսը, իսկ ավագ դպրոցում (9-12-րդ դասարան)՝ 83․5 տոկոսը։ Այլ կերպ ասած՝ Թուրքիայում տարրական և միջին դպրոցական տարիքի շուրջ 750․000, իսկ ավագ դպրոցի ավելի քան 1 մլն երեխա դպրոց չի հաճախում։
Բինգյոլն անդրադարձել է նաև երեխաների սեռական շահագործման հիմնախնդրին՝ նշելով, որ Թուրքիան աշխարհում 3-րդ տեղն է զբաղեցնում անչափահասների նկատմամբ սեռական ոտնձգությունների և բռնաբարությունների թվով։ Վերջին 10 տարվա ընթացքում երկրում 700 անգամ ավելացել են երեխաների դեմ սեռական ոտնձգությունների առթիվ հարուցվող քրեական գործերը։
Բացի այդ, Թուրքիայում աղջիկների 26 տոկոսը ամուսնանում է մինչև 18 տարեկանը, իսկ 10 տոկոսը մինչև չափահաս դառնալն արդեն երեխա է ունենում։ Վերջին 10 տարում այս երկրում 482․908 անչափահաս աղջիկ է ամուսնացել։
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |