Բելգիայի թուրքական կազմակերպությունները հետևում են Հայոց ցեղասպանության ժխտման հնարավոր քրեականացմանը

Ցեղասպանություն09:51, 19 Ապրիլ 2019

Բելգիայի թուրքական կազմակերպությունները հետևում են Հայոց ցեղասպանության ժխտման հնարավոր քրեականացմանը

Բելգիայում թուրքական հասարակական կազմակերպությունների կոորդինացման ղեկավար Ջոշքուն Բեյազգյուլը հայտնել է, որ իրենք ուշադրությամբ հետևում են Բելգիայի ներկայացուցիչների պալատում Հայոց ցեղասպանության ժխտումը որպես ռասիզմի դրսևորում որակելու մասին քննարկումներին:

Կոորդինացնող մարմնի տարածած հայտարարության մեջ մասնավորապես նշված է. «Մենք տեղյակ ենք, որ Բելգիայի Ներկայացուցիչների պալատում ապրիլի 24-ին քննարկվելու է ցեղասպանությունների, պատերազմական հանցագործությունների և մարդկության դեմ իրականացված հանցագործությունների ժխտումը քրեականացնելու մասին օրինագիծ։ Այդ նախագծում ճիշտ ենք համարում այն մոտեցումը, ըստ որի՝ քրեականացումը կվերաբերի միջազգային դատարանների որոշմամբ ճանաչված դեպքերին միայն»։

Այնուամենայնիվ, Բելգիայում թուրքական կազմակերպությունները մտավախություն ունեն, որ նախագծում տեղ կգտնեն այնպիսի ձևակերպումներ, որոնք ժխտման քրեականացումը կտարածեն նաև Հայոց ցեղասպանության վրա։ Այդ իսկ պատճառով իրենց հայտարարությունների մեջ շեշտում են այս գործընթացին ուշի ուշով հետևելու հանգամանքը։

Աղբյուր` Ermenihaber.am

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։