Միջազգային07:51, 16 Ապրիլ 2019
Թուրք վերլուծաբան․ «ԱՄՆ-ն ցանկանում է Թուրքիային դուրս մղել Միջերկրականից»
Թուրքական «Habertürk» թերթի թղթակից Սերդար Թուրգութն անդրադարձել է սենատորներ Բոբ Մենենդեսի և Մարկո Ռուբիոի կողմից օրեր առաջ ԱՄՆ սենատին ներկայացված նախագծին։
Բացի այն, որ տվյալ նախագծով ամերիկացի կոնգրեսականները կառավարությանն առաջարկում են դադարեցնել Թուրքիային F-35 ռազմական ինքնաթիռների մատակարարումը, նրանք նաև անդրադարձել են Միջերկրական ծովի արևելյան հատվածում անվտանգության և էներգետիկ համագործակցության զարգացման հարցերին։
Թուրք վերլուծաբանի կարծիքով՝ մինչ օրս ԱՄՆ-ում դեռ չէր ներկայացվել որևէ նախագիծ, որը Թուրքիային սպառնար այսչափ բացասական հետևանքներով։
«Հավատացեք, երբ ես կարդացի այդ օրինագիծն ամբողջությամբ, կարծեք թե գլխիս եռացող ջուր լցնեին։ Եթե նախգիծն ինձ պես ուշադիր կարդաք, կտեսնեք, որ դրա իրական նպատակը Միջերկրական ծովի արևելյան տարածաշրջանից Թուրքիային դուրս մղելն է», - նշել է Թուրգութը։
Հեղինակը ուշադրություն է հրավիրել ԱՄՆ-ի՝ Իսրայելի, Հունաստանի և Կիպրոսի հետ էներգետիկ ոլորտում սկսած համագործակցության վրա, ինչպես նաև այն հանգամանքի վրա, որ Կիպրոսն ամերիկյան զորքի ու զենքի տեղակայման նոր հնարավորություններ է ստեղծում, իսկ ԱՄՆ-ն իր հերթին պարտավորվել է Կիպրոսին նոր զինատեսակներ մատակարարել։
«Օրինագծի արտաքին սպառնալիքների վերաբերյալ հատվածում նախ խոսվում է ահաբեկչական խմբավորումների մասին, ապա ակնարկ է արվում, որ Ռուսաստանից S-400 ՀՕՊ համակարգեր գնելու դեպքում Թուրքիան ևս նույն կերպ կընկալվի։ Այս բաժնում կրկին խոսվում է այն մասին, որ նման պարագայում Թուրքիայի նկատմամբ նոր պատժամիջոցներ կարող են կիրառվել։ Նրանք վատ մտադրություններ ունեն Թուրքիայի դեմ, այս նախագծի ամեն նախադասությունից վատ հոտ է փչում», - գրել է Թուրգութը։
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |