Դիարբեքիրում ընդդիմադիր թեկնածուի մանդատը տրվել է իշխող կուսակցության թեկնածուին

Իրավական12:07, 15 Ապրիլ 2019

Դիարբեքիրում ընդդիմադիր թեկնածուի մանդատը տրվել է իշխող կուսակցության թեկնածուին

Թուրքիայի բարձրագույն ընտրական հանձնաժողովի (ԲԸՀ) որոշմամբ` Դիարբեքիրի Բաղլար շրջանում համայնքապետի մանդատը ՏԻՄ ընտրություններում հաղթած քրդամետ «Ժողովուրդների դեմոկրատական կուսակցության» թեկնածուի փոխարեն տրվել է իշխող կուսակցության թեկնածուին:

Բաղլարի շրջանում երկրորդ ամենաբարձր քվեն ստացած իշխող «Արդարություն և զարգացում կուսակցության» (AKP-ԱԶԿ) թեկնածու Հյուսեին Բեյօղլուն համայնքապետի իր մանդատը ստացել է Դիրաբեքիրի նահանգային ընտրական հանձանժողովից:

AKP-ի թեկնածու Բեյօղլուն բողոքարկել էր, որ HDP-ի թեկնածու Զեյյաթ Ջեյլանը չի կարող մանդատ ստանալ, քանի որ խախտել է պահանջվող օրինակարգը:

Բեյօղլուի հայցադիմումի մեջ առաջ էր քաշված այն պնդումը, որ մարտի 31-ին Բաղլարի համայքապետի ընտրություններին HDP-ի ներկայացրած թեկնածուին չպետք է մանդատ տրվի, քանի որ չի համապատասխանում ընտրության պահանջներին և փոխարենը մանդատը պետք է տրվի երկրորդ ամենաբարձր ձայները հավաքած թեկնածուին:

HDP- ն ապօրինի է համարել ԲԸՀ-ի որոշումը և արտահերթ բողոքարկման դիմում ներկայացրել:

Նշենք, որ HDP-ի թեկնածու Զեյյաթ Ջեյլանը Բաղլարի համայնքապետի ընտրություններում հավաքել էր ձայների 70%-ը:

Աղբյուր` Gazeteduvar

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։