Ստամբուլում վերահաշվարկվել է քվեների մեծ մասը. մնացել է մեկ համայնք

Իրավական11:41, 11 Ապրիլ 2019

Ստամբուլում վերահաշվարկվել է քվեների մեծ մասը. մնացել է մեկ համայնք

Թուրքիայում մարտի 31-ին կայացած ՏԻՄ ընտրությունների ընթացքում ամենամեծ անակնկալը գրանցվեց Ստամբուլում, որտեղ հաղթեց ընդդիմադիր «Ժողովրդահանրապետական կուսակցության» (ԺՀԿ-CHP) թեկնածու Էքրեմ Իմամօղլուն։

Ընտրության արդյուքների հրապարակումից հետո Ստամբուլի որոշ շրջաններում որոշում կայացվեց քվեների վերահաշվարկ կատարել: Հրապարակված նախնական արդյունքների համաձայն՝ քեմալականների առաջադրած ընդդիմադիր թեկնածուն 27.889 քվեով առաջ էր անցել իշխող «Արդարություն և զարգացում կուսակցության» (ԱԶԿ-AKP) թեկնածու, խորհրդարանի նախկին նախագահ Բինալի Յըլդըրըմից։

ՏԻՄ ընտրություններից անցել է 11 օր և Ստամբուլում դեռևս շարունակվում է քվեների վերահաշվարկը:

Ընդհանուր առմամբ վերահաշվարկվել է բողոքարկման արդյունքում վերահաշվարկման դրված քվեների 97%-ը:

Էքրեմ Իմամօղլուի և Բինալի Յըլդըրըմի միջև ձայների տարբերությունը այժմ 13.922 է: Իմամօղլուի ստացած քվեների թիվը 4 մլն 170.488 է, իսկ Յըլդըրըմինը` 4 մլն 156.496:

Ստամբուլի նահանգային ընտրական հանձնաժողովից ստացված տեղեկության համաձայն` վերհաշվարկին մնացել է ընդամենը մեկ շրջան: Ստամբուլի Մալթեփե շրջանում 800-ից ավել քվեատուփ պետք է վերահաշվարկվի:

Աղբյուր` Cumhuriyet

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։