Տնտեսական10:52, 10 Ապրիլ 2019
Ռուս-թուրքական առևտրաշրջանառությունը 5 տարում կարող է հասնել 100 մլրդ դոլարի
2015թ. նոյեմբերին ռուսական ռազմական ինքնաթիռի խոցման պատճառով ծագած ռուս-թուրքական ճգնաժամից հետո երկու երկրների միջև առևտրաշրջանառությունը գրեթե զրոյական մակարդակի էր հասել։ Իսկ այսօր ռուս-թուրքական առևտրատնտեսական կապերն արագորեն զարգանում են մասնավորապես էներգետիկ ոլորտում խոշոր նախագծերի հաշվին։ Ներկայումս Ռուսաստանի և Թուրքիայի միջև առևտրաշրջանառությունը կազմում է շուրջ 25 մլրդ դոլար, ինչը վկայում է վերջին տարվա ընթացքում շուրջ 15 տոկոսանոց աճի մասին։
Թուրքիայի նախագահ Ռեջեփ Թայիփ Էրդողանի և Ռուսաստանի նախագահ Վլադիմիր Պուտինի վերջին հանդիպումից հետո կողմերը ևս մեկ անգամ հաստատել են, որ մտադիր են մեծացնել երկկողմ առևտրաշրջանառության ծավալները` հասցնելով այն 100 մլրդ դոլարի։
Թուրք մշակութաբան և տնտեսագետ Քեմալ Ուչունջուի կարծիքով` այդ նպատակը միանգամայն իրատեսական է և այն կարող է իրականություն դառնալ հնգամյա հեռանկարում։ Ուչունջուն անդրադարձել է երկու երկրների միջև առևտրատնտեսական կապերի այն ոլորտներին, որոնց ուղղությամբ նպատակաուղղված աշխատանք տանելու դեպքում Թուրքիան և Ռուսաստանը կարող են հասնել իրենց առջև դրված նպատակին։
Մասնավորապես, թուրքագետը նշում է, որ տարեկան կտրվածքով Թուրքիան նավթի և բնական գազի համար վճարում է շուրջ 55 մլրդ դոլար, որից 75 տոկոսը, այսինքն շուրջ 40 միլիարդը կարող է ապահովել Ռուսաստանը։
Թուրքիան տարեկան ներմուծում է շուրջ 30 մլն տոննա ածուխ, որի արժեքը կազմում է մոտավորապես 3 մլրդ դոլար։ Ըստ թուրքագետի` Թուրքիան կարող է այդ ածուխի առնվազն կեսը, այսինքն` 1.5 մլրդ դոլարանոց մասը ներմուծել Ռուսաստանից։
Բացի այդ, Թուրքիան տարեկան շուրջ 4 մլրդ դոլարի գյուղատնտեսական ապրանքներ է ներմուծում, որից շուրջ 2 մլրդ դոլար կազմող մասը կարող է ներմուծել Ռուսաստանից։
Թուրքիան նաև տարեկան գրեթե 12 մլրդ դոլար արժողությամբ նավթաքիմիական արտադրանք է ներմուծում։ Ուչունջուի կարծիքով` այդտեղ էլ ներմուծման ծավալների 65 տոկոսը կամ շուրջ 8 մլրդ դոլար ընդհանուր արժեքով մասը կարող է ապահովել Ռուսաստանը։
Բացի այդ` Ռուսաստանը Թուրքիայում կառուցվող Աքքույու ատոմակայանի նախագծի համար մոտ 10 մլրդ դոլարի ներդրում պետք է կատարի (տարեկան 3 մլրդ), իսկ ռազմարդյունաբերության ոլորտի համատեղ նախագծերից ևս 3 մլրդ դոլար հավելյալ արդյունք կապահովի։
Մասնագետի խոսքով` ևս 10 մլրդ կարող է ապահովվել Ռուսաստանում գործող թուրք շինարարական ընկերությունների գործունեության, 15 մլրդ` Ռուսաստանի խաղաղօվկիանոսյան գոտում տարբեր ոլորտներում համատեղ ներդրումների, 10 մլրդ` Ռուաստանին էլեկտրոտեխնիկա, տրանսպորտային միջոցներ, դեղամիջոցներ մատակարարելու և ևս 12 մլրդ` զբոսաշրջության ոլորտի աշխուժացման շնորհիվ։
Ուչունջուի կարծիքով, եթե բոլոր այս ոլորտներում անհրաժեշտ ակտիվություն ու նախաձեռնություն դրսևորվի, ապա երկկողմ առևտրատնտեսական կապերի ծավալը 100 մլրդ դոլարի հասցնելը միանգամայն իրատեսական նպատակ է։
Այս ենթաբաժնի վերջին նորությունները
Տեղեկությունների համաձայն՝ Հունգարիայում բացված նոր գործարանը տեղափոխվելու է Թուրքիա և հանձնվելու շահագործման 2026-ին:
Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:
Հետաքննությունից հետո պարզվել է, որ ԵՄ-ից ներմուծումներն օգտագործվել են Չինաստանից ներմուծվող նմանատիպ արտադրանքի դեմ կիրառվող միջոցները շրջանցելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |