Քաղաքական12:40, 05 Ապրիլ 2019
Թուրքիայի իշխող կուսակցությունը դատապարտել է ՏԻՄ ընտրությունների մասին ԱՄՆ-ի հայտարարությունը
Թուրքիայի իշխանական «Արդարություն և զարգացում» կուսակցության խոսնակ Օմեր Չելիքը մեկնաբանել է Թուրքիայում մարտի 31-ին տեղի ունեցած ՏԻՄ ընտրությունների մասին ԱՄՆ-ի պետքարտուղարության խոսնակի հայտարարությունը։
Պետքարտուղարության խոսնակ Ռոբերտ Պալադինոն ընտրությունների կապակցությամբ ասել էր.
«Ազատ և արդար ընտրությունները ժողովրդավարության կարևոր բաղադրիչն են, ինչպես նաև դրանց օրինական արդյունքների ընդունումը: Թուրքիայից ակնկալում ենք ոչ պակաս բան սրանից»։
Չելիքը, արձագանքելով վերոնշյալ հայտարարությանը, ասել է.
«Պետքարտուղարության խոսնակը Թուրքիայում կայացած ընտրությունների կապակցությամբ հանդես է եկել հայտարարությամբ, որը դատապարտելի է։ Ոչ մի օտար երկիր, կամ որևէ օտար կառույց, չի կարող հանդիսանալ Թուրքիայի համար լեգիտիմության աղբյուր»։
Անդրադառնալով Թուրքիայի ՏԻՄ ընտրություններին հետևած Եվրախորհրդարանի դիտորդական խմբի քննադատություններին՝ թուրք պաշտոնյան պնդել է.
«Եվրախորհրդարանի պաշտոնյաներին ցանկանում եմ ասել, որ այն իրավունքը, որ մենք ձեզ տվել ենք, ոչ մի երկիր տվել»։
Նշենք, որ մարտի 31-ին Թուրքիայում կայացած տեղական ինքնակառավարման մարմինների (ՏԻՄ) ընտրություններում նախագահ Ռեջեփ Թայիփ Էրդողանի գլխավորած «Արդարություն և զարգացում» կուսակցությունը թեև հաղթանակ է տարել, սակայն պարտվել է մայրաքաղաք Անկարայում և երկրի խոշորագույն քաղաքում՝ Ստամբուլում: Ընտրության արդյունքների հրապարակումից հետո իշխող կուսակցության բողոքարկել է և պահանջել քվեների վերեահաշվարկ կատարել Ստամբուլում:
ՏԻՄ ընտրությունների նախնական արդյունքների պատկերը հետևյալն է.
1. Իշխող «Արդարություն և զարգացում կուսակցությունը» (ԱԶԿ-AKP) ստացել է հաշվարկված ձայների 44.33 տոկոսը:
2. Ընդդիմադիր քեմալական «Ժողովրդահանրապետական կուսակցությունը»՝ (ԺՀԿ-CHP)` 30.12 տոկոս:
3. Ազգայնական ուղղվածության «Լավ կուսակցությունը»՝ (İYİ Parti- ԼԿ)` 7.45 տոկոս:
4. «Գորշ գայլեր» ծայրահեղական կազմակերպության քաղաքական թևը համարվող «Ազգայնական շարժում կուսակցությունը»՝ (ԱՇԿ-MHP)` 7.31 տոկոս:
6. Քրդամետ «Ժողովուրդների դեմոկրատական կուսակցությունը»՝ (HDP-ԺԴԿ) 4.24 տոկոս:
7. Արմատական «Երջանկություն» կուսակցությունը՝ 2.71 տոկոս:
Այս ենթաբաժնի վերջին նորությունները
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Տիրանայում Հաքան Ֆիդանին ընդունել է Կոսովոյի նախագահ Վյոսա Օսմանին։
«Լրագրողների և մամուլի ներկայացուցիչների վրա հարձակումը բարբարոսություն է ու նման հարձակումը որևէ լեգիտիմություն և արդարացում չունի»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հոդվածում նշվում է, որ Թուրքիան և Ադրբեջանը ցամաքով իրար կապող միջանցքի թեման կրկին օրակարգում է։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Թուրքիայի նախագահը նշել է, որ Անկարան պատրաստ է ցուցաբերել ցանկացած աջակցություն, այդ թվում՝ միջնորդություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |