Թուրքիայում հայտնաբերված հռոմեական շրջանի սարկոֆագը թալանված է եղել գանձախույզների կողմից

Մշակութային10:04, 27 Մարտ 2019

Թուրքիայում հայտնաբերված հռոմեական շրջանի սարկոֆագը թալանված է եղել գանձախույզների կողմից

Թուրքիայի Բուրսա նահանգի Իզնիք շրջանում ուշ հռոմեական շրջանի սարկոֆագ է հայտնաբերվել:

Իզնիքի այգեգործներից մեկն իր այգում պատահաբար հայտնաբերել է հողի տակ թաղված քանդակազարդ սարկոֆագը: Շրջանի թանգարանի մասնագետների պեղումների արդյունքում դուրս հանված սարկոֆագը թվագրվում է 3-րդ դարով:

Յոթ տոննա կշռող սարկոֆագը, սակայն, արդեն հարձակման է ենթարկված եղել գանձ որոնողների կողմից: Նշվում է, որ վերջիններս կոտրել են սարկոֆագի կափարիչի մի մասը և բացված անցքով ներս մտել ու թալանել այն:

Գեղեցիկ քանդակներով զարդարված սարկոֆագը տեղափոխվել է Իզնիքի թանգարան:

Նշենք, որ Թուրքիայում մեծ տարածում ունի այդտեղ ապրած քրիստոնեական ժողովուրդների ու հատկապես հայերի թաքցրած ոսկիները փնտրելու մոլուցքը:

Գանձախույզների կործանարար գործունեության հետևանքով ավերվել կամ անդառնալիորեն վնասվել են բազմաթիվ հայկական պատմական ու մշակութային հուշարձաններ, պղծվել են հայկական գերեզմանոցներ:

Այս ենթաբաժնի վերջին նորությունները

11:55, 15 ապր

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

15:20, 11 ապր

Բուրսայում փլուզման եզրին գտնվող 300-ամյա հայկական եկեղեցին կվերածվի մշակութային կենտրոնի

Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու: