Էրդողանին «պարոն սպառված» անվանած պատգամավորի դեմ հետաքննություն է սկսվել

Իրավական12:43, 27 Մարտ 2019

Էրդողանին «պարոն սպառված» անվանած պատգամավորի դեմ հետաքննություն է սկսվել

Թուրքիայի խորհրդարանի գլխավոր ընդդիմադիր «Ժողովրդահանրապետական կուսակցության» պատգամավոր Էնգին Ալթայի դեմ հետաքննություն է սկսվել: Պատճառն այն է, որ նա Թուրքիայի նախագահ Էրդողանին և աջակողմյան «Ազգայնական շարժում կուսակցության» (MHP-ԱՇԿ) առաջնորդին վիրավորանք պարունակող խոսքեր է հասցեագրել:

Անկարայի գլխավոր դատախազության փոխանցմամբ` Ալթայի դեմ հետաքննություն է սկվել «Հանրապետության նախագահի անձի, պետպաշտոնյայի հասցեին վիրավորանք և սպառնալիք հնչեցնելու» հոդվածի հատկանիշներով:

Պատգամավորը «Քաղաքական օրակարգ» հաղորդման ժամանակ առաջիկա ՏԻՄ ընտրությունների վերաբերյալ հայտարարություններ է արել՝ նշելով, որ ընտրություններից հետո քաղաքացիները հաշիվ են պահանջելու «բանտախցում» հայտնված Էրդողանից և MHP-ի առաջնորդ Բահչելիից:

Էնգին Ալթայը հաղորդման ժամանակ Էրդողանին անվանել է «պարոն սպառված», իսկ Դևլեթ Բահչելիին` «պարոն սապատ»:

Ալթայը, քննադատելով հետաքննություն սկսելու որոշումը, Twitter-ում գրառում է կատարել այն մասին, որ թուրքերենում «hücre» բառը, բացի «բանտախուց» իմաստից ունի նաև այլ իմաստ. քվեատուփ և հավելել, որ իշխանամետ լրատվամիջոցներն են բանտախուց գրել:

Աղբյուր` Demokrathaber

Այս ենթաբաժնի վերջին նորությունները

14:33, 21 օգոս

Թուրքիան նոր քայլեր է ձեռնարկում Իսրայելի դեմ

Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։

09:45, 14 օգոս

Թուրքիայում գլխավոր ընդդիմադիր կուսակցապետի նկատմամբ հետաքննություն է սկսվել

Օզգյուր Օզելը մեղադրվում է Թուրքիայի նախագահին վիրավորելու մեջ:

13:21, 12 օգոս

Թուրքիայում քրդերեն խոսելու համար ընտանիքը ծեծի է ենթարկվել

Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: