ՆԱՏՕ-ն զորավարժություններում փորձարկել է Թուրքիայում հնարավոր քաղպատերազմի սցենարը

Ռազմական07:34, 22 Մարտ 2019

ՆԱՏՕ-ն զորավարժություններում փորձարկել է Թուրքիայում հնարավոր քաղպատերազմի սցենարը

Թուրքական մամուլում «Նոր սկանդալ ՆԱՏՕ-ից» վերտառությամբ ուշագրավ տեղեկություններ են հրապարակվել։ Ըստ նոր բացահայտված տվյալների՝ դեռևս 2010թ․ ՆԱՏՕ-ի կողմից կազմակերպված և իրականացված զորավարժություններից մեկի ժամանակ խաղարկվել է Թուրքիայում քաղաքացիական պատերազմի և ՆԱՏՕ-ի ուժերի միջամտությամբ իրավիճակի հանգուցալուծման սցենարը։

Ըստ սցենարի՝ 2025թ․ Աֆրիկայի կենտրոնական մասում տեղակայված երևակայական պետության բազմազգ բնակչության միջև ներքին բախումներ են սկսվում։ Իսկ ՆԱՏՕ-ի զինված ուժերը արտաքին միջամտությամբ խաղաղություն և կայունություն են հաստատում երկրում։ Ուշագրավ է, որ թեև երևակայական այդ պետությունը տեղակայված էր Աֆրիկայում, բայց այն իր չափերով և ուրվագծով, ինչպես նաև՝ ենթադրյալ բնակչության կազմով համապատասխանում էր Թուրքիային։ Զորավարժությունների քարտեզի վրա կարմիր գույնով նշված այդ երկրի ուրվագիծը Թուրքիայի շրջված քարտեզն էր հիշեցնում՝ արևելքի ու արևմուտքի տեղերը փոխած և մի փոքր սեղմված, փոքրացված վիճակում։

Աղբյուրի համաձայն՝ երբ ՆԱՏՕ-ում քննարկվել է նշված զորավարժության սցենարը, քննարկման սեղանի շուրջ նստած են եղել նաև Թուրքիայի զինված ուժերի ներկայացուցիչներ։ Նրանք առարկել են նման սցենարի դեմ, սակայն այն, այնուամենայնիվ, խաղարկվել է։ Թուրքական մամուլն այդ զորավարժությունները որակել է որպես «Թուրքիայի ներքին գործերին միջամտության փորձարկում»։

Թուրքական մամուլի պնդմամբ՝ զորավարժության կազմակերպման ու իրականացման աշխատանքներին մասնակցել էին նաև մի շարք պաշտոնյաներ, որոնք, ինչպես ավելի ուշ պարզվել էր, «ՖԵթհուլլահական խմբավորման» (FETÖ) անդամներ էին։

Թուրքիայում համոզված են նաև, որ այդ զորավարժություններից հետո FETÖ-ի անդամները մեկը մյուսի հետևից Թուրքիայում տարբեր գործողություններ են իրականացրել՝ զորավարժությունների սցենարը իրականում կյանքի կոչելու համար։ Նման գործողությունների շարքում ի թիվս այլոց նշվում են 2013թ․ Գեզի զբոսայգու ցույցերն ու բախումները, իրար հաջորդած մի շարք ահաբեկչական գործողություններ, և, ի վերջո, 2016թ․ ձախողված հեղաշրջման փորձը։

Աղբյուր` memurlar.net

Այս ենթաբաժնի վերջին նորությունները

16:09, 26 օգոս

Թուրքիան մտադիր է դառնալ աշխարհում 5-րդ սերնդի կործանիչ արտադրող 4-րդ երկիրը

Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:

15:28, 25 օգոս

Հանդիպել են Թուրքիայի և Լիբիայի ռազմական պատվիրակությունները

Հանդիպումը կայացել է «մեկ Լիբիա, մեկ բանակ» կարգախոսի ներքո իրականացվող համատեղ աշխատանքների շրջանակներում։

16:11, 20 օգոս

Թուրքիան և Ճապոնիան մտադիր են խորացնել ռազմական համագործակցությունը

Թուրքիայի ՊՆ ղեկավարն Անկարայում հանդիպում է ունեցել իր ճապոնացի պաշտոնակցի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում պահանջում են վերականգնել հայկական կիսակառույց եկեղեցին

Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: