Թուրքիան խստորեն դատապարտել է Թրամփի իսրայելամետ հայտարարությունը

Տարածաշրջան07:23, 22 Մարտ 2019

Թուրքիան խստորեն դատապարտել է Թրամփի իսրայելամետ հայտարարությունը

Թուրքիան խստորեն դատապարտել է ԱՄՆ-ի նախագահ Թրամփի՝ Twitter-ում կատարած գրառումն այն մասին, որ անհրաժեշտ է ճանաչել Գոլանի բարձունքներում Իսրայելի իշխանությունը։

«52 տարի անց եկել է ժամանակը, որ ԱՄՆ-ն լիարժեք ճանաչի Իսրայելի իշխանությունը Գոլանի բարձրունքներում: Դրանք չափազանց կարևոր ստրատեգիական նշանակություն ունեն Իսրայելի անվտանգության և տարածաշրջանային կայունության պահպանման համար»։

Սպիտակ տան ղեկավարի վերոնշյալ գրառմանն անդրադարձել են Թուրքիայի նախագահի մամուլի խոսնակ Իբրահիմ Քալընը և արտգործնախարար Մևլութ Չավուշօղլուն։

Քալընը մասնավորապես ասել է, որ այդ հայտարարությամբ ամերիկյան ղեկավարությունը փաստորեն աջակցում է Իսրայելի «զավթողական» քաղաքականությանը: Ըստ նրա՝ Թրամփն իր այդ հայտարարությամբ ավելի է խորացնելու արաբա-իսրայելական հակամարտությունը:

Իսկ Չավուշօղլուն Twitter-ում այդ կապակցությամբ գրառել է.

«Տարածքային ամբողջականությունը միջազգային իրավունքի հիմնական սկզբունքներից է։ Միջազգային իրավունքներին հակասող Իսրայելի գործողություններն օրինականացնելու ԱՄՆ-ի ջանքերը կհանգեցնեն բռնության աճին տարածաշրջանում: Թուրքիան պաշտպանում է Սիրիայի տարածքային ամբողջականությունը»։

Հետաքրքրական է, որ Թրամփը նման հայտարարություն է անում Իսրայելի վարչապետ Բենյամին Նեթանյահուի՝ ԱՄՆ կատարելիք այցից առաջ։

Հիշեցնենք, որ Գոլանի բարձունքները խնդրահարույց տարածք է Սիրիայի և Իսրայելի միջև։ Դրանց մեծ մասը 1967թ. արաբաիսրայելական պատերազմից հետո վերահսկվում է Իսրայելի կողմից։ Ինչպես Իսրայելը, այնպես էլ Սիրիան Գոլանի բարձունքները համարում են իրենց տարածքային միավորը:

Աղբյուր` T 24

Այս ենթաբաժնի վերջին նորությունները

16:22, 26 օգոս

Աշխարհի 50 ամենագեղեցիկ գյուղերի ցանկում կա նաև գյուղ Թուրքիայից

50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։

13:28, 26 օգոս

Ստամբուլի ջրամբարների լցվածությունը վերջին շաբաթում ռեկորդային չափով նվազել է

Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: